ఒలింపిక్స్ 2021 నిర్వహాకులకు కొత్త సమస్య వచ్చిపడింది. 1988లో సియోల్‌లో జరిగిన ఒలింపిక్స్ నుంచి విశ్వక్రీడలకు వచ్చే క్రీడాకారులందరికీ కండోమ్స్ అందించడం ఆనవాయితీగా వస్తోంది.
ప్రపంచదేశాలను పట్టిపీడించిన హెచ్‌ఐవీ, ఎయిడ్స్ వ్యాధులపై అవగాహన కార్యక్రమంలో భాగంగా కండోమ్‌ల పంపిణీ కార్యక్రమాన్ని మొదలెట్టింది ఒలింపిక్స్ కమిటీ...
ఒలింపిక్స్‌కి వచ్చే క్రీడాకారులు వాడి పారేసే కండోమ్‌లతో డ్రైనేజీలు నిండిపోయి ఉండేవి. విశ్వక్రీడలు ముగిసిన తర్వాత వాటిని తీసివేయడం చాలా పెద్ద సమస్యగా మారేది...
కరోనా వైరస్ కారణంగా కండోమ్‌ల పంపిణీ కార్యక్రమాన్ని నిలిపివేస్తారని టాక్ వినిపించింది. అయితే కండోమ్‌ల పంపిణీ నిలిపివేస్తే కొత్త సమస్యలు వచ్చే అవకాశం ఉందని అంచనా వేసిన టోక్యో ఒలింపిక్స్ నిర్వహకులు, క్రీడాకారులకు ప్రత్యేక సూచనలు ఇచ్చారు...
‘టోక్యో ఒలింపిక్స్‌లో పాల్గొనే క్రీడాకారుల కోసం లక్షా యాభై వేల స్పెషల్ కండోమ్‌లను సిద్ధం చేశాం. వాటిని ఆటగాళ్లను సరాఫరా చేస్తాం...
అయితే ప్రస్తుతం సోషల్ డిస్టెన్స్ నిబంధన అమలులో ఉండడంతో కండోమ్‌లను ఒలింపిక్ విలేజ్‌లో ఉపయోగించడానికి వీల్లేదు. అంటే ఒలింపిక్స్ ముగిసేసరికి ఎవ్వరూ శృంగారంలో పాల్గొనడానికి అవకాశం ఉండదు...
వాటిని స్వదేశానికి తీసుకెళ్లి వాడుకోవచ్చు. ఆటగాళ్లకు సోషల్ డిస్టెన్స్ పాటిస్తూ భోజన సదుపాయాలు ఏర్పాటు చేసేందుకు కోట్లు ఖర్చు పెడుతున్నాం... ఈ సారి ప్రతిదీ ఛాలెంజింగ్ కానుంది’ అంటూ తెలిపింది ఒలింపిక్స్ నిర్వాహక కమిటీ...
ఒలింపిక్స్ స్పోర్ట్స్ విలేజ్‌లో శృంగారం చేయడంతో పాటు బహిరంగ ప్రదేశాల్లో మద్యపాన నిషేధాన్ని కూడా విధిస్తూ సర్క్యూలర్ జారీ చేసింది క్రీడా కమిటీ...
జపాన్‌లోని టోక్యో నగరం వేదికగా జూలై 23 నుంచి ప్రారంభమయ్యే ఒలింపిక్స్, ఆగస్టు 8న ముగుస్తాయి. ఈ విశ్వక్రీడల్లో 205 దేశాలు, 33 క్రీడా విభాగాల్లో పాల్గొనబోతున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి