వంటింట్లో వంటలు చేసేటప్పుడు చాలా సార్లు వేడి నూనె పడి లేదా వేడి వేడి గిన్నెలు తగిలి, లేదా వాటిని అనుకోకుండా పట్టుకోవడం వల్ల చేతులు కాలుతుంటాయి. ఇది చాలా సహజం. అయితే చాలా మంది చేతులు కాలిన వెంటనే మంటను తట్టుకోలేక దానిపై నీళ్లు పోస్తుంటారు. కానీ దీనివల్ల... వెంటనే బొబ్బలు వస్తాయి. గాయం కూడా ఎక్కువ అవుతుంది. ఇలా కాకూడదంటే కాలిన వెంటనే ఏం చేయాలో తెలుసుకుందాం..
వంటగదిలో పనిచేసేటప్పుడు ఆడవాళ్లు చేతులు తరచుగా కాలడం మీరు గమనించే ఉంటారు. తొందర తొందరగా వంట చేయాలని, లేదా వంటలో నిమగ్నమవ్వడం వల్ల వేడి వేడి గిన్నెలను పట్టుకోవడం లేదా అవి తగలడం, లేదా వేడి వేడి నూనె పడటం జరుగుతుంటుంది. దీనివల్ల చేతులు కాలుతాయి. ముఖ్యంగా పోపు చేసే సమయంలో వేడి నూనె పెడి బొబ్బలు వచ్చిన సందర్భాలు ప్రతి ఒక్క ఆడవారికి ఉంటాయి. అయితే చాలా మంది తెలియక కాలినప్పుడు మంటను తట్టుకోలేక వెంటనే కాలిన గాయంపై నీళ్లు పోసేస్తుంటారు. కానీ దీనివల్ల బొబ్బలు వస్తాయి. గాయం కూడా పెద్దది అవుతుంది. ఇది మానడానికి చాలా సమయం పడుతుంది. ఇలా కాకూడదంటే కాలిన వెంటనే ఏం చేయాలో ఇప్పుడు తెలుసుకుందాం పదండి.
ఐస్ అప్లై చేయండి
మీ చేయి కొద్దిగా కలితే ముందుగా చల్ల నీళ్లతో కడగాలి. అలాగే ఆ వెంటనే దానిపై ఐస్ పెట్టాలి. కాలిన ప్రాంతానికి ఐస్ అప్లై చేసినప్పుడు మంటగా అనిపించదు. చికాకు పెట్టదు. ఇది కాకుండా ఐస్ వల్ల బొబ్బలు రావు. అలాగే కాలిన గాయాల వల్ల మచ్చలు కూడా ఏర్పడవు.
ఆవ నూనె, ఉప్పు
అమ్మమ్మ చిట్కాలు కూడా కాలిన గాయాలను మాన్పడంలో చాలా ఎఫెక్టీవ్ గా పనిచేస్తాయి. కాలిన చోట ఆవనూనె, ఉప్పు కలిపి రాసుకుంటే బొబ్బలు రావని అమ్మమ్మలు చెప్తుంటారు. అలాగే దీనివల్ల అక్కడ బర్న్ మార్క్ కూడా ఏర్పడదు.
కలబంద జెల్
కలబంద జెల్ యాంటీసెప్టిక్ లా పనిచేస్తుంది. అలాగే ఇది మంటను తగ్గించి చల్లగా కూడా ఉంచుతుంది. అందుకే మీకు చేతులు కాలినప్పుడు వెంటనే కలబంద జెల్ తీసి కాలిన ప్రదేశంలో అప్లై చేయండి. ఇలా కాసేపు అలాగే ఉంచిన తర్వాత చల్లటి నీటితో కడిగేయండి. అయితే కాసేపు ఫ్రిజ్ లో ఉంచిన కలబంద జెల్ ను రాస్తే ఇంకా మంచి ఫలితం ఉంటుది.
తేనె
తేనె యాంటీసెప్టిక్ గా పనిచేస్తుంది. అలాగే ఇది చర్మపు చికాకును కూడా తగ్గిస్తుంది. ఏచోటైనా మీకు కాలితే వెంటనే ఆ భాగానికి తేనెను అప్లై చేయండి. వెంటనే అది గాయంగా మారకుండా కాపాడుతుంది. కాలిన ప్రదేశంపై తేనెను అప్లై చేసి కాసేపు ఉంచి తర్వాత చల్లటి నీటితో కడిగేయండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి