Beauty Tips: మంచి స్కిన్ టోన్ పెంచుకోవాలనుకుంటున్నారా.. అయితే పసుపుతో ఇలా చేయండి?

Beauty Tips: పసుపు ఆహారానికి ఎంత ఉపయోగపడుతుందో సౌందర్య సాధనంగా కూడా అంతే బాగా ఉపయోగపడుతుంది. పసుపు కాంబినేషన్లో వచ్చిన కొన్ని ఫేస్ మాస్కులు ముఖాన్ని ఎలా కాంతివంతంగా చేస్తాయో చూద్దాం.  

 పసుపు చర్మపు రంగును మెరుగుపరచడంలో కీలక పాత్ర పోషిస్తుంది. మొటిమలు మచ్చలని తగ్గించడంలో ఎంతో ఉపయోగపడుతుంది. పసుపులో ఉండే ఆంటీ ఇన్ఫ్లోమేటరి మరియు యాంటీ ఆక్సిడెంట్ గుణాలు దీనికి కారణం. ఇది చర్మాన్ని మెరుగుపరచడం తో పాటు చర్మపు  రంగుని మార్చటానికి కూడా ఉపయోగపడుతుంది.

 ఇంతటి అద్భుతమైన పసుపు కాంబినేషన్స్ తో కొన్ని ఫేస్ ప్యాక్ లు ఎలా చేయాలో ఇప్పుడు చూద్దాం. మన అమ్మమ్మల కాలం నుంచి వస్తున్న కాంబినేషన్ పసుపు,శెనగపిండి కాంబినేషన్. శనగపిండి,పసుపు, నిమ్మరసం సమపాళ్లల్లో తీసుకొని అందులో కొద్దిగా పాలు వేసి పేస్టు లాగా తయారుచేసి ముఖానికి మాస్క్ వేసుకుంటే అది మీ ముఖానికి మంచి ఛాయని తీసుకువస్తుంది.

 అలాగే ఒక గిన్నెలో అర టీ స్పూన్ పసుపు పొడి, ఒక టీ స్పూన్ పాలు కలిపి ఆ మిశ్రమాన్ని ముఖానికి అప్లై చేసి రాత్రంతా అలా వదిలేయండి. మరుసటి రోజు పొద్దున్నే ముఖాన్ని కడుగుకుంటే మీ ముఖం మంచి ఛాయితో మెరిసిపోతుంది.

 డ్రై స్కిన్, జిడ్డుచర్మం, మొటిమలు ఉన్న చర్మానికి ఈ మాస్క్ చాలా మంచిది. అలాగే పసుపులో దోసకాయ రసం కలిపి ఆ మిశ్రమాన్ని ముఖానికి అప్లై చేసి గంట తర్వాత నీటితో కడుక్కుంటే ముఖంపై ఉండే నల్లని మచ్చలు పోతాయి.

అలాగే కాస్త పసుపు పొడిలో కొంచెం కొబ్బరిపాలు, కొంచెం శనగపిండి కలిపి ముఖానికి మెడకి పట్టించి బాగా ఆరిన తర్వాత ముఖాన్ని కడుక్కోవాలి. ఈ మాస్క్ వారానికి రెండు మూడు సార్లు అప్లై చేస్తే మీ స్కిన్ టోన్ మెరుగుపడుతుంది.

 అలాగే పసుపు, కలబంద మరియు నిమ్మరసంలా మిశ్రమంతో ముఖానికి ఫేస్ ప్యాక్ వేసుకొని ఒక గంట తర్వాత ముఖం కడుక్కుంటే మీ ముఖంలో వచ్చే మార్పుని మీరే గమనించవచ్చు. కాబట్టి ఇంట్లో కూర్చొనే అతి తక్కువ ఖర్చుతో మీ ముఖాన్ని అందంగా మార్చుకోండి.