మీరు ఎక్కువ సేపు బైక్ నడుపుతున్నారా? మీ వెన్నెముక(Spine) కండరాలు(muscle) దెబ్బతినే ప్రమాదం ఉంటుంది జాగ్రత్త. మీరు లాంగ్ డ్రైవ్ కి వెళ్లినా, ప్రతి రోజూ ఎక్కువ సేపు బైక్ నడుపుతూ ఉన్నా ఎలాంటి సమస్యలు వస్తాయో ఇక్కడ వివరంగా తెలుసుకుందాం.
ఉరకల పరుగుల ఈ జీవితంలో మన రోజువారీ పనులన్నీ చాలా వేగంగా అయిపోవాలి. అలా అవ్వాలంటే ఏదో ఒక వెహికల్ తప్పనిసరి. కారు అయితే పెద్ద సమస్యలు ఉండవు కాని, బైక్ అయితే కొన్ని ఆరోగ్య సమస్యలు వచ్చే ప్రమాదం ఉంటుంది. ముఖ్యంగా వెన్నెముక, కండరాలకు సంబంధించి ప్రాబ్లమ్స్ వచ్చే అవకాశం ఉంది. అవేంటంటే..
స్పాండిలోసిస్
బ్యాక్ సపోర్ట్ లేకుండా ఎక్కువ సేపు బైక్ నడపడం వల్ల వెన్నెముకపై ఒత్తిడి పడుతుంది. దీని కారణంగా స్పాండిలోసిస్ (Spondylosis) లేదా డిస్క్ సమస్యలు రావచ్చు. దీనికి రోడ్డు కూడా మరో కారణం కావచ్చు. గుంతలు, రాళ్లు ఉన్న రోడ్డుపై రోజూ ప్రయాణించడం వల్ల డిస్క్ సమస్యలు వస్తాయి. డిస్క్ పక్కకు జరగడం, అరిగిపోవడం జరుగుతుంది.
పోష్చర్ సమస్య
కొందరు బైక్ నడిపేటప్పుడు సరిగ్గా కూర్చోరు. వంగినట్టుగా, పక్కకు జరిగి కూర్చొని నడుపుతుంటారు. ఇలా చేయడం వల్ల అప్పర్ బ్యాక్ (వెన్నెముక పైభాగం) ప్రాబ్లమ్స్ వస్తాయి. లోయర్ బ్యాక్ (వెన్నెముక)లో కూడా నొప్పి మొదలవుతుంది.
నడకపై ప్రభావం
రోజువారీ ఎక్కువసేపు బైక్ నడపడం వల్ల వెన్నెముక నొప్పి, కండరాల బలహీనత వస్తాయి. వీటి వల్ల నడక కూడా మారిపోతుంది. నిటారుగా నడవడం కష్టంగా మారిపోతుంది. ఎక్కువ సేపు స్ట్రయిట్ గా నిలబడలేని పరిస్థితి ఏర్పడవచ్చు.
కండరాలు పట్టేస్తాయి
గంటల తరబడి ఒకే పొజిషన్ లో కూర్చోవడం వల్ల కండరాలు బిగుతుగా మారతాయి. ముఖ్యంగా మెడ కండరాలు(neck muscles), భుజం, కాలి కండరాలు టైట్ గా మారిపోతాయి. దీని వల్ల మీలో బలం తగ్గిపోతుంది. ఏదైనా బరువులు ఎత్తాలన్నా కష్టంగా మారిపోతుంది.
స్కియాటికా నొప్పి (Sciatica)
బైక్ పై ఎక్కువ కూర్చోవడం వల్ల వెన్నెముక నుండి కాళ్ల వరకు ఉండే నరాలు దెబ్బతింటాయి. వాటిపై ఒత్తిడి వల్ల రక్త ప్రసరణ జరగదు. దీంతో స్కియా‌టిక్ నరాలపై ఒత్తిడి పెరగడం వల్ల నొప్పి కలుగుతుంది.
కీళ్ళ నొప్పులు
బైక్ నడుపుతున్నప్పుడు మోకాల్లు, భుజాలు చాలా సేపు ఒకే స్థితిలో ఉంటాయి. ఎక్కువసేపు ఆ పార్టులు సేమ్ పొజిషన్ లో ఉంచడం వల్ల కీళ్ళ నొప్పి, కండరాలు బలహీనంగా మారిపోతాయి. దీంతో నడవలేరు. చిన్న వస్తువులు కూడా పైకి ఎత్తలేరు.
గుండె, ఊపిరితిత్తులపై ప్రభావం
తగిన విశ్రాంతి లేకుండా బైక్ నడపడం వల్ల మానసిక ఒత్తిడి కలుగుతుంది. ఈ ప్రభావంతో గుండె పనితీరు తగ్గిపోతుంది. ఈ ప్రభావంతో శ్వాసక్రియపై కూడా పడుతుంది. దీంతో ఊపిరితిత్తుల సమస్యలు వచ్చే అవకాశం ఉంటుంది.
నరాల సమస్యలు
అతి వేగంగా బైక్ నడపడం వల్ల నరాలపై ఒత్తిడి పెరుగుతుంది. నరాలు సరిగా పనిచేయకపోవడం వంటి మీరు బలహీనంగా మారిపోతారు. సమస్యలు వస్తాయి.
ఇలాంటి సమస్యల నుంచి మీరు బయటపడాలంటే లాంగ్ డ్రైవ్ కి వెళ్లేటప్పుడు తగిన జాగ్రత్తలు తీసుకోవాలి. ప్రతి రెండు గంటలకు ఒకసారి ఆగి పది నిమిషాలు రిలాక్స్ అవ్వాలి. కాస్త అటు ఇటు నడవాలి. మీ శరీరాన్ని కదిలించేలా కాళ్లు, చేతులు కదపాలి. రోజూ గుంతల రోడ్డులో మీరు ప్రయాణించాల్సి వస్తే నాణ్యమైన బైక్ వాడటం మేలు.