ఒత్తైన జుట్టు కోసం.. ఖచ్చితంగా తినాల్సిన ఆహారాలు

కొన్ని రకాల ఆహారాలను తింటే జుట్టు ఒత్తుగా, పొడుగ్గా పెరుగుతుంది. అంతేకాదు జుట్టు రాలే సమస్య అసలే ఉండదు. చుండ్రు వచ్చే అవకాశమే ఉండదు. ఇందుకోసం ఎలాంటి ఆహారాలను తినాలంటే..    

hair care

ఒత్తైన, నల్లని, ఆరోగ్యవంతమైన జుట్టును కోరుకోని వారుండదు. నిజానికి జుట్టు ఆరోగ్యం అనేక అంశాలపై ఆధారపడి ఉంటుంది. మీ జుట్టును ఆరోగ్యంగా ఉంచడానికి మీరు తీసుకునే  ఆహారం ఎఫెక్టీవ్ గా పనిచేస్తుంది. జుట్టు పొడుగ్గా పెరగాలంటే ఎలాంటి ఆహారాలను తినాలో ఇప్పుడు తెలుసుకుందాం.. 

Leafy Vegetables

ఆకు కూరలు

పోషకాలు సమృద్ధిగా ఉండే ఆకుకూరలు జుట్టు రాలడాన్ని నివారించడానికి ఎంతో సహాయపడతాయి. అంతేకాదు ఇవి మీ జుట్టు పెరుగుదలకు సహాయపడతాయి. ఆకు కూరలలో బచ్చలికూరను తప్పకుండా తినండి. ఎందుకంటే బచ్చలికూర విటమిన్ల భాండాగారం. వీటిలో విటమిన్ ఎ, విటమిన్ బి, విటమిన్ సి, విటమిన్ ఇ, పొటాషియం, కాల్షియం ఉంటాయి. బచ్చలికూరను రోజు వారి ఆహారంలో చేర్చడం వల్ల జుట్టు ఆరోగ్యంగా ఉంటుంది. 

గుడ్లు

గుడ్లలో ప్రోటీన్లు, విటమిన్ ఎ లు పుష్కలంగా ఉంటాయి. గుడ్లలో కూడా బయోటిన్, జింక్ లు ఎక్కువ మొత్తంలో ఉంటాయి. ఇవి జుట్టు పెరుగుదలకు ఎంతో సహాయపడుతాయి. అందుకే క్రమం తప్పకుండా గుడ్లను తినండి. ఇది మీ జుట్టును ఆరోగ్యంగా పెంచుతుంది. 

মাছ

చేపలు

చేపలు కూడా జుట్టును ఆరోగ్యంగా పెంచుతాయి. చేపల్లో ఒమేగా -3 కొవ్వు ఆమ్లాలతో పాటుగా విటమిన్ బి 3, విటమిన్ బి 6,  విటమిన్ బి 12  లు పుష్కలంగా ఉంటాయి. ఈ పోషకాలన్నీ జుట్టు పెరుగుదలకు చాలా మంచివి.

nuts

గింజలు, విత్తనాలు

గింజలు, విత్తనాల్లో విటమిన్ బి 1 పుష్కలంగా ఉంటుంది. ఇవి జుట్టును బాగా పెంచుతాయి. ఇందుకోసం బాదం, చియా విత్తనాలను రోజూ గుప్పెడు తినండి. ఒమేగా -3 కొవ్వు ఆమ్లాలు, జింక్, విటమిన్ ఇ, విటమిన్ బి 1, విటమిన్ బి 6 లు పుష్కలంగా ఉండే బాదం జుట్టు పెరుగుదలకు బాగా సహాయపడుతుంది. చియా విత్తనాల్లో ఒమేగా -3 కొవ్వు ఆమ్లాలతో సహా ప్రోటీన్లు, ఖనిజాలు పుష్కలంగా ఉంటాయి. వీటిలో ఫైబర్, కాల్షియం, జింక్, ఐరన్, ఇతర యాంటీఆక్సిడెంట్లు సమృద్ధిగా ఉంటాయ. ఇవి జుట్టు ఆరోగ్యంగా పెరిగేందుకు సహాయపడతాయి. పొద్దుతిరుగుడు విత్తనాలు ప్రోటీన్లు, ఖనిజాల భాండాగారం. జుట్టు పెరుగుదలకు అవసరమైన జింక్, విటమిన్ బి 6, ఒమేగా -3 కొవ్వు ఆమ్లాలు వీటిలో ఉంటాయి. ఇవి చుండ్రును పోగొడుతాయి. 

lentils

కాయధాన్యాలు

కాయధాన్యాల్లో ఐరన్ కంటెంట్ లో పుష్కలంగా ఉంటుంది. అంతేకాదు ప్రోటీన్, విటమిన్ బి, పొటాషియం, మెగ్నీషియం, ఫోలిక్ యాసిడ్ వంటి ముఖ్యమైన పోషకాలు కూడా వీటిలో ఉంటాయి. ఇవి జుట్టు పెరుగుదలకు చాలా మంచిది.