కొంతమంది చిన్న చిన్న విషయాలకే భయపడిపోతుంటారు. బాధపడిపోతుంటారు. కానీ కొంతమంది ఎన్ని బాధలు ఎదురైనా మంచి రోజులొస్తాయని ఎదురుచూస్తారు. ఇలాంటి వారే ఎప్పుడూ సంతోషంగా ఉంటారు. వీళ్లకేం బాధలు లేవా? ఎప్పుడూ సంతోషంగా ఉంటారు అని చాలా మందికి డౌట్లు వస్తుంటాయి. అసలు సంతోషంగా ఉండేవారికి ఎలాంటి అలవాట్లు ఉంటాయో తెలుసా?
సంతోషంగా ఉండటమనేది పూర్తిగా ఒక వ్యక్తిపైనే ఆధారపడి ఉంటుందని నిపుణులు అంటారు. వీళ్లు ఎన్ని బాధలు ఎదురైనా సంతోషాన్ని దూరం చేసుకోరు. వీళ్లకు అదెలా సాధ్యం? సంతోషంగా ఉండేవారి అలవాట్లు ఏంటో ఇప్పుడు తెలుసుకుందాం పదండి.
కుటుంబం, స్నేహితులతో సమయం
సంతోషంగా ఉండేవారు కుటుంబం, స్నేహితులతో ఎక్కువ సమయం గడపడటానికి ఇష్టపడతారు. వీరిని కష్టాలు, బాధలు చుట్టిముట్టినప్పుడు తమ కుటుంబం, స్నేహితులతోనే ఎక్కువ సమయాన్ని గడపడానికి ఇష్టపడతారు.
ఉదయాన్నే నిద్రలేవడం
సంతోషంగా ఉన్న వ్యక్తులు ఉదయాన్నే నిద్రలేస్తారు. పని ఉన్నా? లేకున్నా ఉదయాన్నే లేవడం మానుకోరు. వీళ్లు తమ స్వంత నిబంధనలతో తమ రోజును ప్రారంభిస్తారు. అలాగే వ్యాయామం, ఆధ్యాత్మిక చింతన, జర్నలింగ్, లెర్నింగ్ లేదా రోజు ప్రారంభానికి ముందు కొంత నాణ్యమైన సమయాన్ని గడుపుతాడు.
ధ్యానం
సంతోషంగా ఉన్నవారు ధ్యానంలో ఎక్కువ సమయాన్ని గడుపుతారు. ధ్యానంతో ఆలోచనలను నియంత్రిస్తారు. సానుకూలతను పొందడానికి ప్రయత్నిస్తారు. సంతోషకరమైన, స్వీయ-అవగాహన ఉన్న వ్యక్తులకు ధ్యానం ఒక ముఖ్యమైన అలవాటు.
ప్రకృతి ప్రేమికులు
ఎప్పుడూ సంతోషంగా ఉండేవారు ఆరోగ్యకరమైన ఆహారాన్ని తినడంతో పాటుగా ప్రకృతితో మంచి సమయాన్ని గడపడాన్ని బాగా ఇష్టపడతారు. ఇది మీ మానసిక స్థితిని ప్రభావితం చేస్తుంది. ఇది మీ మనస్సును నిర్మలంగా ఉంచుతుంది. ఆలోచనలకు పుల్ స్టాప్ పెడుతుంది. అలాగే తమతో తాము మరింత కనెక్ట్ అయ్యేలా చేస్తుంది.
ఆరోగ్యకరమైన ఆహారం
సంతోషంగా ఉన్న వ్యక్తులు క్రమం తప్పకుండా ఆరోగ్యకరమైన ఆహారాన్నే తినడానికి ప్రయత్నిస్తారు. అలాగే ప్రతిరోజూ ఉదయం బ్రేక్ ఫాస్ట్ తో పాటుగా పుష్కలంగా నీళ్లను తాగుతారు.
తగినంత నిద్ర
మన శరీరానికి నిద్ర చాలా చాలా అవసరం. ఒక వ్యక్తి ఆరోగ్యంగా ఉండాలంటే ప్రతిరోజూ రాత్రి 7-9 గంటలు నిద్రపోవడం చాలా అవసరం. మంచి నాణ్యమైన నిద్ర మనసును సంతోషంగా ఉంచుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి