సచిన్ టెండుల్కర్ నుంచి విరాట్ కోహ్లీ వరకు.. ఈ స్టార్ క్రికెటర్లు తమ లైఫ్ పార్టనర్లను ఎలా కలుసుకున్నారంటే?

కొన్ని కొన్ని జంటలను చూస్తే వీళ్లకు ఇంతమంచి, సరైన లైఫ్ పార్టనర్ ఎలా దొరికిందన్న డౌట్ కలుగుతుంటుంది. అసలు వీళ్ల ఫస్ట్ మీట్ ఎక్కడ, ఎలా జరిగిందని అని కూడా సందేహాలు కలుగుతుంటాయి. ఇలాంటి డౌట్లు మన స్టార్ క్రికెటర్ల విషయంలో కూడా కలుగుతుంటుంది. అందుకే ఈ రోజు క్రికెట్ దేవుడు సచిన్ టెండుల్కర్ నుంచి విరాట్ కోహ్లీ వరకు కొంతమంది స్టార్ క్రికెటర్లు తమ లైఫ్ పార్టనర్ లను ఎలా కలుసుకున్నారో ఇప్పుడు తెలుసుకుందాం పదండి.   

పెళ్లి ఎవరితో జరగాలనే విషయం స్వర్గంలో నిర్ణయించడుతుందని  పెద్దలు చెప్పడం మీరు వినే ఉంటారు. చాలా సార్లు దీంట్లో నిజం ఉందని కూడా అనిపిస్తుంటుంది. ముఖ్యంగా మన స్టార్ క్రికెటర్ల జంటలను చూస్తే. మన దేశంలో క్రికెట్ ను ఒక మతంలా భావించి క్రికెటర్లను దేవుళ్ల లాగ భావించి వారి గురించి ప్రతి ఒక్క విషయాన్ని తెలుసుకుంటుంటారు క్రికెట్ అభిమానులు. అయితే కొంతమంది స్టార్ క్రికెటర్ల జంటలను చూస్తే చూడ ముచ్చటగా అనిపిస్తుంది. అసలు ఈ క్రికెటర్లకు, వాళ్ల వైఫ్ లకు ఎలా పరిచయం ఏర్పడిందన్న డౌట్ కూడా కలుగుతుంటుంది. అసలు వీళ్లు మొదటిసారి ఎక్కడ కలుసుకున్నారు? ఎలా ఇష్టపడ్డారు అన్న సందేహాలు చాలా మందికి కలుగుతుంటాయి. అందుకే ఈ రోజు  సచిన్ టెండూల్కర్ నుంచి విరాట్ కోహ్లీ వరకు.. కొంతమంది స్టార్ క్రికెటర్లు తమ భాగస్వాములను ఎలా కలుసుకున్నారో ఇప్పుడు తెలుసుకుందాం పదండి. 

Sachin Tendulkar family

సచిన్ టెండూల్కర్, అంజలి మెహతా

సచిన్ టెండుల్కర్ ఒక పాపులర్ క్రికెటర్.  అంటజి మెహతా మెడిసిన్ చదివే స్టూడెంట్. వీళ్ల మధ్య ప్రేమ ఎలా చిగురించింది. వీళ్ల తొలిపరిచయడం ఎక్కడ అని? చాలా మందికి  డౌట్లు వస్తుంటాయి. అయితే క్రికెట్ దేవుడు సచిన్ టెండుల్కర్, అంజలి మెహతా తొలిసారిగా ముంబై ఎయిర్ పోర్టులో కలుసుకున్నారు. ఇంట్రెస్టింగ్ విషయమేంటంటే? తొలిచూపులోనే వీరి మధ్య ప్రేమ చిగురించింది. ఇక ఈ జంట్ తర్వాత ఓ కామన్ ఫ్రెండ్ పార్టీలో కలుసుకున్నారు. అప్పటి నుంచి వీళ్లు డేటింగ్ మొదలుపెట్టారు. విచిత్రం ఏంటంటే? సచిన్ ఆట గురించి కానీ,  క్రికెటర్ గా అతనికి ఉన్న పాపులారిటీ గురించి గానీ అంజలికి ఏ మాత్రం తెలియదు. ఈ జంట దాదాపుగా ఐదేళ్ల పాటు డేటింగ్ చేసింది. ఆ తర్వాత ఈ ప్రేమ జంట 1995లో పెళ్లితో ఒక్కటయ్యారు. సచిన్ టెండుల్కర్, అంజలి పెళ్లై దాదాపుగా 30 ఏండ్లు కావొస్తోంది. అయినా ఈ జంట ఎందరికో స్ఫూర్తిదాయకం.

ఎంఎస్ ధోనీ, సాక్షి రావత్

‘కెప్టెన్ కూల్’ఎంఎస్ ధోనీ , ఇతని భార్య సాక్షి రాంచీలోని ఒకే స్కూల్ లో చదువుకున్నారు. అయితే వీళ్లిద్దరూ 2007లో తొలిసారిగా తాజ్ బెంగాల్ లో కలుసుకున్నారు. ఇక్కడికి ధోనీ క్రికెటర్ గా బస చేయడానికి టూర్ కు వెళ్తే.. సాక్షి ఆ హోటల్ లో శిక్షణ పొందుతోంది. అయితే  ఎంఎస్ ధోనీతో సాక్షికి హోటల్ మేనేజర్ ద్వారా పరిచయం ఏర్పడింది. వీళ్లిద్దరూ 2008లో డేటింగ్ చేయడం ప్రారంభించారు. దాదాపుగా రెండేండ్ల తర్వాత ధోనీ, సాక్షి లు పెళ్లి చేసుకున్నారు. వీరికి ప్రస్తుతం జీవా అనే కూతురు ఉంది. 

విరాట్ కోహ్లీ, అనుష్క శర్మ

కింగ్ కోహ్లీ విరాట్ ఒక స్టార్ ప్లేయర్. అనుష్క శర్మ బాటీవుడ్ టాప్ హీరోయిన్లలో ఒకరు. అయితే ఈ జంట తొలిసారిగా ఓ యాడ్ షూట్ కోసం కలుసుకున్నారట. ఇక మిగతాదంతా ఒక మ్యాజిక్కేనంటారు వీళ్లు. విరాట్ కోహ్లీ, అనుష్క శర్మల గురించి మాట్లాడితే.. కొన్నేళ్ల పాటు డేటింగ్ చేశారు. ఆ తర్వాత 2017లో  వీళ్లు పెళ్లి చేసుకున్నారు. ఈ జంటకు కుమార్తె వామిక, కుమారుడు అకాయి ఉన్నారు. 

హార్దిక్ పాండ్యా, నటాషా స్టాంకోవిచ్

భారత క్రికెటర్ హార్దిక్ పాండ్యా, సెర్బియా నటి, మోడల్ అయిన నటాషా స్టాంకోవి  2018లో మొదటిసారి కలుసుకున్నారు. అది ముంబైలోని ఒక క్లబ్ లో పార్టీ చేసుకుంటుండగా. వీళ్లు సుమారుగా రెండేళ్ల పాటు డేటింగ్ చేసుకున్నారు. ఆ తర్వాత హార్దిక్ పాండ్యా  2020 జనవరి 1న దుబాయ్ పర్యటనలో ఉన్నప్పుడు నటాసాకు ప్రపోజ్ చేశాడు. ఈ జంట కోవిడ్-19 లాక్ డౌన్ టైంలో అంటే 2020 మేలో పెళ్లి చేసుకున్నారు.  ఈ జంటకు అదే ఏడాది జూలైలో ఒక కొడుకు పుట్టాడు. హార్దిక్ పాండ్యా, నటాసా స్టాంకోవిచ్ లు ఇప్పుడు విడాకులు తీసుకోబోతున్నారనే వార్తలు బాగా వినిపిస్తున్నాయి. అందులోనూ నటాషా తన సోషల్ మీడియాలో తన పేరు నుంచి 'పాండ్యా' అనే పదాన్ని తొలగించడంతో ఈ రూమర్ మరింత పెరిగింది. అయితే దీనిపై హార్దిక్ కానీ, నటాషా కానీ స్పందించలేదు. 

రోహిత్ శర్మ, రితికా సజ్దే

రోహిత్ శర్మ భార్య రితికా సజ్దే పెళ్లి చేసుకోవడానికి ముందు స్పోర్ట్స్ మేనేజర్ గా పనిచేసేది. రితికా ఇతర క్రికెటర్లకు మేనేజర్ గా ఉన్న ఓ యాడ్ షూట్ టైంలో రోహిత్ శర్మను ఫస్ట్ టైం కలిసింది. రోహిత్ శర్మ, రితిక దంపతులు పెళ్లికి ముందు కొన్నేళ్ల పాటు డేటింగ్ చేశారు. ఇప్పుడు ఈ జంటకు ఒక కూతురు ఉంది.