Chanakya Niti: ధనవంతులు కావాలని ఎవరికి ఉండదు చెప్పండి. ప్రతి ఒక్కరూ ధనవంతులు కావాలని కోరుకుంటారు. కానీ, ఈ 5 లక్షణాలు ఉన్నవారే ధనవంతులవుతారని ఆచార్య చాణక్యుడు చెప్పారు.
చాణక్యుడు భార‌త చ‌రిత్ర‌లో గొప్ప ఆచార్యుడు. తన కాలంలో అత్యంత జ్ఞానవంతుడు, పండితుడిగా గుర్తింపు పొందారు. తన జీవితకాలంలో అతను అనేక రకాల విధానాలను రూపొందించాడు. జీవితంలో మనం పాటించాల్సిన, ఆచ‌రించాల్సిన కొన్ని విష‌యాల‌ను ముక్కుసూటిగా చెప్పారు.
ఏ వ్యక్తి అయినా విజయవంతమైన, సంపన్నమైన జీవితం కోసం చూస్తున్నట్లయితే.. వారు ఆచార్య చాణక్య నీతిలో పేర్కొన్న విషయాలతో ముందుకు సాగితే త‌ప్ప‌కుండా మెరుగైన జీవితంలోకి వ‌స్తారని చాలా మంది న‌మ్ముతారు. అలాగే, ధనవంతులు కావాలనుకునే వారిలో ఉండాల్సిన లక్షణాలను కూడా ఆచార్య చాణక్య తన నీతిలో పేర్కొన్నారు. ఆ వివరాల ప్రకారం..
జీవితంలో ధనవంతులు కావాలంటే కొన్ని వదులుకోవాలి : ఆచార్య చాణక్య
జీవితంలో ధనవంతులు కావాలంటే మనుషులు సోమరితనాన్ని వదులుకోవాలి. మంచి పనులు, కష్టపడి పనిచేసేవారే డబ్బు సంపాదిస్తారు.. ధనవంతులు అవుతారు. ధనవంతులు కావాలంటే సోమరితనం మానేసి నిరంతరం పనిచేయాలి.
ఏ పనిలోనూ సోమరితనం లేకపోతే త్వరలోనే ధనవంతులవుతారు. ఏ పనిలో అయిన నిరాశలేకుండా ముందుకు సాగేవారు కూడా జీవితంలో సక్సెస్ అవుతారని చెప్పారు. దీంతో వారిని డబ్బు వరిస్తుందని కూడా చాణక్య తన నీతులలో వెల్లడించారు.
భవిష్యత్ ప్రణాళికలు ఉండాలి కానీ, ముందే బహిరంగంగా చెప్పకూడదు: చాణక్య
రహస్యంగా ఉండటం నేర్చుకోండి, భవిష్యత్ ప్రణాళికలు వేసుకుని ఎవరితోనూ చర్చించకుండా రహస్యంగా సాధించేవారు ఒకరోజు ధనవంతులవుతారు. మన ప్రణాళికలను బయటపెడితే, వారు మన పనిలో అడ్డంకులు సృష్టిస్తారు. కాబట్టి అన్ని విషయాలు బయటకు చెప్పాల్సిన పనిలేదు.
లక్ష్య సాధనకు భయపడనివారు, ధనవంతులు కావాలనుకునేవారు కాకి లేదా గద్దలాగా ఎల్లప్పుడూ తమ లక్ష్యాలపై దృష్టి పెడతారు. వారు ఎల్లప్పుడూ ఓపికగా ఉంటారు. లక్ష్యాలను సాధించడానికి ఎల్లప్పుడూ కృషి చేస్తారు. ఏ సమస్యకూ భయపడరు. అలాంటి వారు త్వరలోనే ధనవంతులవుతారు.
కష్ట సమయంలో ఓపిక అవసరం: ఆచార్య చాణక్య
ధనవంతులు కావాలంటే కష్ట సమయంలో ఓపిక అవసరమని ఆచార్య చాణక్య తన నీతులలో వివరించారు. ఓపిక ఉన్నవారు, కష్ట సమయాల్లో ఓపికగా ఉండి, భావోద్వేగాలకు బదులుగా సమస్యలకు పరిష్కారం వెతుక్కునేవారు జీవితంలో ఏదో ఒక రోజు విజయం సాధిస్తారు. ధనవంతులుగా మారుతారు.
కష్ట సమయాల్లో ఓపిక కోల్పోవడం, ఏదైనా చేయాలనే ఆతురత మనం చేయాల్సిన అసలైన పనిని చెడగొడుతుంది. దీనితో మీ విజయం సాధ్యమవుతుంది. ధనవంతులు కావాలనే మీ టార్గెట్ ను అందుకోలేరు.
ఆత్మస్థైర్యం, దయ కలిగి ఉండాలి : ఆచార్య చాణక్య
ధనవంతులు అవ్వాలనుకునే వారిలో ఆత్మస్థైర్యం, దయాగుణం ఉండాలని ఆచార్య చాణక్య చెప్పారు. నిరంతరం భగవంతుడిని ఆశ్రయించి ధర్మ మార్గాన్ని అనుసరించేవాడు తన ఆత్మస్థైర్యం, దయ ఆధారంగా ధనవంతుడవుతాడు. అలాంటి వారు ఎల్లప్పుడూ తమ పనిని దైవంగా భావిస్తారు. ఏ పనైనా మనస్ఫూర్తిగా చేస్తారు. దీంతో ఆ పనిలో సక్సెస్ అవుతారు. ఈ విజయంతో వారి సంపద కూడా పెరుగుతుందని ఆచార్య చాణక్య తన నీతులలో వివరించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి