ఒకసారి నాగార్జున చేతిలో, మరోసారి బోయపాటి చేతిలో..దారుణంగా మోసపోయి బాధపడ్డ క్రేజీ హీరో

కింగ్ నాగార్జునకి వయసు పెరిగే కొద్ది తన ఫిట్ నెస్ తో ఆశ్చర్య పరుస్తున్నారు. కుర్ర హీరోలకు పోటీ ఇస్తున్నారు. నాగార్జున ఫ్యాన్స్ మెచ్చేలా సినిమాల్లోకి చేస్తూనే వైవిధ్యమైన పాత్రలు కూడా చేస్తున్నారు. రజనీకాంత్ కూలి, ధనుష్ కుబేర చిత్రాల్లో నాగార్జున కీలక పాత్రల్లో నటిస్తున్న సంగతి తెలిసిందే. గతంలో కూడా నాగార్జున మల్టీస్టారర్ చిత్రాలు చేశారు. 

నందమూరి హరికృష్ణతో, నాని, కార్తీ లాంటి హీరోలతో నాగార్జున మల్టీస్టారర్ చిత్రాలు చేసిన సంగతి తెలిసిందే. తన మేనల్లుడు సుమంత్ తో కూడా నాగార్జున నటించారు. ఇక డైరెక్టర్ బోయపాటి గురించి పరిచయం అక్కర్లేదు. మాస్ చిత్రాలకు మరింత క్రేజ్ పెంచిన డైరెక్టర్ బోయపాటి. భద్ర, తులసి, లెజెండ్, అఖండ లాంటి బ్లాక్ బస్టర్ చిత్రాలతో బోయపాటి క్రేజీ డైరెక్టర్ గా మారిపోయారు. 

నాగార్జున, బోయపాటి ఇద్దరి చేతులో దారుణంగా ఒక క్రేజీ హీరో మోసపోయారట. వాళ్లిద్దరూ చేసిన పనికి చాలా బాధపడ్డాను అని సదరు హీరో ఓ ఇంటర్వ్యూలో స్వయంగా చెప్పారు. ఆ హీరో ఎవరంటే.. ఒకప్పుడు తన ఫీల్ గుడ్, కామెడీ చిత్రాలతో అలరించిన వేణు తొట్టెంపూడి. హనుమాన్ జంక్షన్, స్వయంవరం, చెప్పవే చిరుగాలి, చిరునవ్వుతో లాంటి బ్లాక్ బస్టర్ చిత్రాలు వేణు పేరుపై ఉన్నాయి. కానీ ఇప్పుడు వేణు హీరోగా వెనుకబడిపోయాడు. రీసెంట్ గా అతిథి అనే వెబ్ సిరీస్ చేశాడు. 

నాగార్జున స్నేహమంటే ఇదేరా చిత్రంలో వేణుకి గతంలో అవకాశం వచ్చింది. నాగార్జున, వేణు కలసి నటించాల్సిన మల్టీస్టారర్ మూవీ అది. రేపు ఈ చిత్రం ప్రారంభం అవుతుంది అనగా ఇవాళ కబురు పంపారు. ఆర్బీ చౌదరి ఆ చిత్రానికి నిర్మాత. నాగార్జున గారు చెప్పారు.. మీరు ఈ చిత్రంలో నటించడం లేదు. మీ స్థానంలో ఆయన మేనల్లుడు సుమంత్ ని తీసుకున్నారు అని చెప్పారు. దీనితో నా మనసుకి చాలా బాధగా అనిపించింది. మనసులోనే ఆ బాధని దిగమింగా అని వేణు తెలిపారు. 

ఇక బోయపాటి విషయాన్ని వస్తే.. అది ఎన్టీఆర్ నటించిన దమ్ము చిత్రం. బోయపాటి.. వేణుకి కథ చెప్పినప్పుడు ఇది ఒకరకంగా మల్టీస్టారర్ చిత్రం అని చెప్పారట. ఎన్టీఆర్ తర్వాత అంతటి ప్రాధాన్యత ఉంటుందని చెప్పారట. కానీ సినిమాలో వేణు రోల్ అంతగా ఏమీ లేదు. సినిమా రిలీజ్ అయ్యాక ఈ చిత్రంలో ఎందుకు నటించానా అని అనుకున్నట్లు వేణు ఓ ఇంటర్వ్యూలో తెలిపారు. ఆసక్తికర విషయం ఏంటో తెలుసా.. ఈ రెండు చిత్రాలు డిజాస్టర్ అయ్యాయి.