యంగ్ హీరోయిన్లకు క్లాస్ పీకిన కాజోల్, ఆపని మాత్రం చేయకండంటోన్న సీనియర్ స్టార్..

అప్ కమింగ్ హీరోయిన్లతో పాటు.. ఇప్పుడు ఇండస్ట్రీలో ఉన్న యంగ్ హీరోయిన్లకు.. బాలీవుడ్ సీనియర్ హీరోయిన్ కాజోల్ విలువైన సలహాలు అందించారు. ఇండస్ట్రీలో నేచురల్ స్టార్ గా ఎదగాలంటే ఏంచేయాలో.. ఇప్పుడు హీరోయిన్లు ఏం చేస్తున్నారో వివరించింది.   

చాలా మంది హీరోయిన్లు తమ ముక్కు బాలేదని..మూతి బాలేదని.. కలర్ ఇంకా పెరగాలని.. ముఖం షేపు మారాలని.. నడుము నాజూగ్గా ఉండాలని.. జీరోసైజ్ నాభి కనిపించాలి  అని.. ఇలా రకరకాల కోరికలతో.. చాలా వరకూ సర్జరీలను ఆశ్రయిస్తున్నారు. కాని గతంలో హీరోయిన్లు మాత్రం నేచురల్ గానే ఉండేవారు. మంచి యాక్ట్రస్ గా పేరు కూడా సాధించారు. 

తాజాగా ఈవిషయంలో యంగ్ హీరోయిన్లకు సలహాలు సూచనలు ఇస్తోంది.. బాలీవుడ్ సీనియర్ హీరోయిన్ కాజోల్. నేచురల్ బ్యూటీని ఎలా కాపాడుకోవాలి... సర్జరీల జోలికి వెళ్లకుండా.. ఎలా జాగ్రత్త పడాలి లాంటి విషయాలను ఆమె వివరించింది. ప్రస్తుతం హీరోయిన్లు చేయకూడని పనులు చేస్తూన్నారంతూ.. మండిపడింది కాజోల్.. ఇంతకీ ఆమె ఏమన్నదంటే..? 

బాలీవుడ్‌ లో ఎన్నో  సంచలన విజయాలు అందుకుని.. వెండితెరను ఒక ఊపు ఊపింది కాజోల్, స్టార్ సీనియార్ హీరోల సరసన మెరిసిన ఈ భామ... ఇప్పుడు కూడా నాన్ స్టాప్ గా ఏదో ఒకటి చేస్తూ.. తెరపై కనిపిస్తూనే ఉంది. ఆమె నటించిన ట్రయల్‌ వెబ్‌ సిరీస్‌ త్వరలో ఓటీటీ వేదికలో స్ట్రీమింగ్‌ కానుంది. ఈ సందర్భంగా ఇచ్చిన ఇంటర్వ్యూలో మాట్లాడిన కాజోల్ యంగ్ హీరోయిన్ల గురించి కామెంట్ చేసింది. 

Kajol

హీరోయిన్లు  ప్లాస్టిక్‌ సర్జరీలను దూరంగా ఉండాలని సలహా ఇచ్చింది కాజోల్‌. దేవుడు ప్రతి ఒక్కరిని ప్రత్యేకంగా సృష్టించాడని, ఆ రూపాన్ని మార్చుకోవడానికి చేసే ప్రయత్నాలన్నీ వ్యర్థమని ఆమె అభిప్రాయపడింది. నేచురల్ అందంతో అందరిని ఆకర్షించే ప్రయత్నం చేయాలి కాని.. సర్జరీల ద్వారా వచ్చే అందం ఎక్కువ కాలం నిలవదన్నారు. 

కాజోల్‌ మాట్లాడుతూ కెరీర్‌ బిగినింగ్ లో  నా రూపం, శరీర ఛాయపై ఎన్నో విమర్శలొచ్చాయి. కానీ నేనెప్పుడూ కుంగిపోలేదు. ప్లాస్టిక్‌ సర్జరీల గురించి ఏ రోజూ ఆలోచించలేదు. వైవిధ్యమైన కథలను ఎంచుకుంటూ ప్రతి సినిమాకు నటనాపరంగా పరిణితి కనబరిచాను. దాంతో నేను స్టార్ హీరోయిన్ ఇమేజ్ ను సాధించారు. ఎవరో ఏదో అన్నారు అని ఆగిపోతే.. అక్కడే ఉండిపోదును అన్నారు కాజోల్. 

Image: Kajol / Instagram

నేటి తరం హీరోయిన్లు కూడా మంచి టాలెంట్ ఉన్నవారే.. కాని వారు అందం కంటే  కూడా  ప్రతిభను నమ్ముకుంటే తప్పకుండా రాణిస్తారు. అందం ఉండాలి.. అది నేచురల్ గా ఉండాలి కాని... ఆర్టిఫిషల్ గా కాదు అని హితవు పలికారు కాజోల్. టాలెంట్ ఎప్పుడైతే చూపిస్తామో.. ఆలోమాటిక్ గా అందం కూడా ప్రతిబింబిస్తుంది అన్నారు కాజోల్. అదే మనల్ని అందరిలో ప్రత్యేకంగా నిలబెడుతుంది అన్నారు.