Nithya Menen: నిత్యా మీనన్ ని పెళ్లి చేసుకోను, ముందే తెలిసుంటే ప్రేమించే వాడినే కాదు.. ఎవరీ సంతోష్ వర్కీ

వివాదాలకు, రూమర్స్ కి నిత్యా మీనన్ దూరంగా ఉంటుంది. కానీ ఇటీవల నిత్యా మీనన్ ని వరుస రూమర్స్ చుట్టుముడుతున్నాయి. 

నటన పరంగా నిత్యా మీనన్ టాప్ హీరోయిన్ అనే చెప్పాలి. కళ్ళతోనే హావభావాలు పలికించే నటీమణులు చాలా అరుదు. ఆ అద్భుతమైన ప్రతిభ నిత్యామీనన్ సొంతం. నిత్యామీనన్ నుంచి దర్శకులు ఎలాంటి ఎమోషన్ అయినా రాబట్టుకోవచ్చు. నిత్యా మీనన్ ఏ చిత్రంలో నటించినా అందులో ఆమె మార్క్ కనిపిస్తుంది. 

వివాదాలకు, రూమర్స్ కి నిత్యా మీనన్ దూరంగా ఉంటుంది. కానీ ఇటీవల నిత్యా మీనన్ ని వరుస రూమర్స్ చుట్టుముడుతున్నాయి. నిత్యామీనన్ త్వరలో ఓ స్టార్ హీరోని వివాహం చేసుకోబోతోంది అంటూ ప్రచారం జరిగింది. ఆ రూమర్స్ పై నిత్యామీనన్ స్వయంగా క్లారిటీ ఇచ్చింది. తన పెళ్లి గురించి వస్తున్న రూమర్స్ లో నిజం లేదని.. తాను ఎవరితోనూ ప్రేమలో లేనని తేల్చేసింది. 

అయితే కొంతకాలంగా నిత్యా మీనన్ కి సంతోష్ వర్కీ అనే వ్యక్తి నుంచి వరుసగా ఫోన్ కాల్స్ వస్తున్నాయట. ఈ విషయాన్ని నిత్యామీనన్ స్వయంగా తెలిపింది. దాదాపు 30 ఫోన్ నంబర్స్ బ్లాక్ చేశా. వేర్వేరు నంబర్స్ తో మా ఫ్యామిలీ మెంబర్స్ కి కూడా కాల్ చేసి అతడు వేధిస్తున్నాడు. ఇంట్లో వాళ్ళు పోలీస్ కంప్లైంట్ ఇవ్వమని చెప్పినా నేను అలా చేయలేదు. 

ఎందుకంటే అతడి మానసిక స్థితి సరిగా లేదని అర్థం అవుతోంది. వదిలేయండి అని చెప్పా అంటూ నిత్యా మీనన్ ఆరోపించింది. నిత్యా మీనన్ కామెంట్స్ పై సంతోష్ తాజాగా స్పందించాడు. నేను అన్ని సార్లు నిత్యా మీనన్ కి ఫోన్ చేయలేదు. ఇప్పుడు ఒక్కొక్కరు ఎన్ని సిమ్ కార్డులు మైంటైన్ చేస్తున్నారో మీరే అర్థం చేసుకోండి. 

గతంలో నిత్యామీనన్ తల్లి.. తమ కుమార్తెకు ఆల్రెడీ వేరే వ్యక్తితో నిశ్చితార్థం జరిగింది అని చెప్పింది. వాళ్ళ తండ్రి ఏమో అలాంటిది ఏమి లేదని చెప్పాడు. ఇక నాపై లైంగిక వేధింపుల కేసు పెట్టేందుకు కూడా ప్రయత్నించారు. గతంలో నేను నిత్యామీనన్ ని ప్రేమించాను. పెళ్లి చేసుకోవాలని కూడా అనుకున్నాను. ఇప్పుడు ఆమె గురించి తెలిసింది. 

ముందే ఈ విషయాలు తెలిసుంటే ఆమెని ప్రేమించేవాడిని కాదు. ఇక ఆమెని చచ్చినా వివాహం చేసుకోను అని సంతోష్ ఆశ్చర్యకరమైన కామెంట్స్ చేశారు. సంతోష్ వర్కీ మలయాళంలో యూట్యూబర్. నిత్యామీనన్ పై కామెంట్స్ తో ఒక్కసారిగా వైరల్ గా మారాడు. అసలు సంతోష్ కి నిత్యా మీనన్ గురించి మాట్లాడేంత సీన్ లేదు. ఆమె స్థాయి ఏంటి అతడి స్థాయి ఏంటి.. ఇక సంతోష్ తానే నిత్యామీనన్ ని రిజెక్ట్ చేసానని చెప్పడం విడ్డురంగా ఉంది అంటూ నెటిజన్లు దుమ్మెత్తిపోస్తున్నారు.