ఇంకోకసారి ఇలా చేస్తే చంపేస్తానంటూ నాజర్ కు చిరంజీవి వార్నింగ్ , నాజర్ ఏం చేశాడో తెలుసా..?

ఇంకోసారి ఇలా చేస్తే చంపేస్తాను  అంటూ గతంలో మెగాస్టార్ చిరంజీవి.. సీనియర్ ఆర్టిస్ట్ నాజర్ కు వార్నింగ్ ఇచ్చారట. ఇంతకీ  నాజర్ కు అంత పెద్ద వార్నింగ్ చిరంజీవి ఎందుకు ఇచ్చారు. నాజర్ చేసిన తప్పేంటి..? 

మెగాస్టార్ చిరంజీవి కెరీర బిగినింగ్ డేస్ లో చాలా మంది ప్రముఖులతో కలిసి ట్రావెల్ చేశారు. ఫిల్మ్ ఇనిస్ట్యూట్స్ లో ట్రైనింగ్ తీసుకునే రోజుల్లో చాలా మంది స్టార్స్ కు ఆయన బ్యాచ్ మెట్ అందులో అందరికి షాకింగ్ బ్రేకింగ్ ఏంటీ అంటే.. సీనియర్ ఆర్టిస్ట్ నాజర్ కూడా మెగాస్టార్ తో కలిసి ట్రైయినింగ్ చేసిన అతనే. 

నాజర్ కు మధ్య ఎంతో అనుబంధం ఉంది. ఇద్దరూ చెన్నైలో ఒకే సమయంలో యాక్టింగ్ స్కూల్లో ట్రైనింగ్ తీసుకున్నడు. ఈ విషయాన్ని తాజాగా  తాజాగా ఓ ఇంటర్వ్యూలో నాజర్ చెప్పారు. ఆయన  మాట్లాడుతూ అనేక విషయాలను పంచుకున్నారు. చిరంజీవి తాను, ఒకే యాక్టింగ్ స్కూల్లో ట్రైనింగ్ తీసుకున్నామని చెపుతూ.. అప్పట్లో జరిగిన కోన్ని సంఘటనలు పంచుకున్నారు. 

అప్పట్లో తాను ప్రతిరోజు చెంగల్పట్టు నుంచి 60 కిలోమీటర్లు ప్రయాణం చేసి వచ్చేవాడినని... సమయానికి యాక్టింగ్ స్కూల్ కు రావాలంటే ఉదయం 6 గంటలకే ప్రయాణం చేయాల్సి వచ్చేదని చెప్పారు. ఆ టైమ్ లో అమ్మకు కూరలు చేసే సమయం ఉండకపోయేదని... దీంతో, తాను అన్నం మాత్రం తెచ్చుకునే వాడినని తెలిపారు. చిరంజీవి, ఇతర స్నేహితులు ఆంధ్ర మెస్ నుంచి భోజనాలు తెచ్చుకునేవారని చెప్పారు. 

ఒకరోజు తాను అన్నం మాత్రమే తెచ్చుకున్నాననే విషయం చిరంజీవికి తెలిసి తనపై కోప్పడ్డాడని... పొద్దున్నే వంట చేయమని అమ్మను ఇబ్బంది పెడితే చంపేస్తానని వార్నింగ్ ఇచ్చాడని ఆయన అన్నారు.  రేపటి నుంచి మాతోనే కలిసి భోజనం చేయాలని చెప్పాడని నాజర్ తెలిపారు. చిరంజీవిది చాలా మంచి మనసు అని అన్నారు నాజర్. 

యాక్టింగ్ స్కూల్లో ట్రైనింగ్ పూర్తయిన వెంటనే చిరంజీవికి వెంటనే అవకాశాలు వచ్చాయని, ఆయన పెద్ద స్టార్ అయిపోయాడని నాజర్ తెలిపారు. తనకు మాత్రం పెద్దగా అవకాశాలు రాలేదని... దీంతో, ఒక హోటల్ లో వెయిటర్ పని చేశానని చెప్పారు. 

ఒక రోజు తాను పని చేస్తున్న హోటల్ పక్కనే చిరంజీవి సినిమా షూటింగ్ జరుగుతోందని.. పెద్ద సంఖ్యలో జనాలు అక్కడ గుమికూడారని.. తాను కూడా అక్కడకు వెళ్లి, కాసేపు షూటింగ్ చూసి వెనక్కి తిరిగి వస్తుండగా... చిరంజీవి తనను గమనించి పిలిచిమరీ..ఏం చేస్తున్నావని అడిగారన్నారు నాజర్. 

తాను మోహమాటం లేకుండా.. తాను హోటల్లో ఉద్యోగం చేస్తున్నానని చెప్పగా... ఇంత టాలెంటెడ్ ఆర్టిస్టువి, నీవు హోటల్లో పని చేయడం ఏమిటని చిరు ప్రశ్నించాడని అంతే కాదు.. రేపు వచ్చి తనను కలువమని చెప్పాడని నాజర్ అన్నారు. అయితే తానుమాత్రం అప్పుడు  చిరంజీవిని కలవలేదని అన్నారు. 

ఆ తర్వాత కొన్నాళ్లకు బాలచందర్ గారు ఓ సినిమాలో అవకాశం ఇచ్చారని నాజర్ చెప్పారు. ఆ తర్వాత తాను కూడా బిజీ ఆర్టిస్ట్ అవ్వడం..  తన మిత్రుడు చిరంజీవి కలిసి ఎన్నో సినిమాల్లో నటించామని తెలిపారు. తన గురించి, తన ఆత్మాభిమానం గురించి చిరంజీవికి బాగా తెలుసని... అందుకే ఆయన తనను ఎప్పుడూ ఇబ్బంది పెట్టడని అన్నారు. ఇప్పటికీ తమ ఇద్దరి మధ్య స్నేహం అలాగే కొనసాగుతోందని చెప్పారు సీనియర్ క్యారెక్ట్ ఆర్టిస్ట్ నాజర్.