మనోజ్ పెళ్లి రెండో పెళ్లిపై మంచు లక్ష్మి షాకింగ్ కామెంట్స్... అది నా పరిధిలో లేదంటూ!

మంచు మనోజ్ రెండో వివాహం చేసుకునే ఆలోచనలో ఉన్నట్లు కొద్దిరోజులుగా ప్రచారం అవుతుంది. భూమా మౌనికతో ఆయన సన్నిహితంగా ఉంటున్న నేపథ్యంలో ఇద్దరికీ పెళ్లనే ప్రచారం జరుగుతుంది. ఈ వార్తలపై మంచు లక్ష్మి స్పందించారు.   

మంచు మనోజ్-భూమా మౌనిక సన్నిహితంగా ఉంటున్నారు. వారి చర్యలు రెండో పెళ్లి పుకార్లకు దారితీశాయి. వినాయక చవితి సందర్భంగా గణేష్ మండపాన్ని సందర్శించిన మనోజ్-మౌనిక ప్రత్యేక పూజలు నిర్వహించారు. ఈ క్రమంలో వారు రిలేషన్ లో ఉన్నారని, పెళ్లి చేసుకుంటారని కథనాలు వెలువడ్డాయి. 

దీనిపై ఎలాంటి అధికారిక సమాచారం లేదు. మంచు మనోజ్ పుకార్లపై నోరు విప్పలేదు. సమర్ధించడం కానీ ఖండించడం కానీ చేయలేదు. దీంతో సస్పెన్స్ కొనసాగుతోంది. భూమా మౌనికతో ఆయన అత్యంత క్లోజ్ రిలేషన్ మైంటైన్ చేస్తున్నాడన్నది మాత్రం నిజం. అలాగే వీరిది ఇప్పటి పరిచయం కాదట. 

ఈ క్రమంలో మనోజ్ అక్కగారైన మంచు లక్ష్మిని అడిగి తెలుసుకునే ప్రయత్నం చేశారు. మీడియా ప్రతినిధుల ప్రశ్నలకు ఆమె ఒకింత అసహనం వ్యక్తం చేశారు. గుడిలో వ్యక్తిగత విషయాలు అడగడం కరెక్ట్ కాదన్నారు. ఇక మనోజ్ పెళ్లి సంగతి నాకు తెలియదన్నారు. నా పరిధిలో ఉన్న విషయాలు మాత్రమే నేను చెప్పగలను అన్నారు. మనోజ్ వివాహం నా పరిధిలో లేదని పరోక్షంగా వెల్లడించారు. ఆమె నటిస్తున్న చిత్రాలు, సామాజిక సేవా కార్యక్రమాలు వివరాలు కూడా పంచుకున్నారు. 

శ్రీకాళహస్తి గుడికి వచ్చిన మంచు లక్ష్మి మీడియా ప్రతినిధుల ప్రశ్నలకు పై విధంగా స్పందించారు. మంచు లక్ష్మి   సమాధానం చూస్తే మనోజ్ పై కోపంగా ఉన్నారనే సందేహం కలిగింది. మౌనికను వివాహమాడటం ఇష్టం లేని మోహన్ బాబు ఫ్యామిలీ అతన్ని దూరం పెట్టారనే వాదన ఉంది. ఫ్యామిలీ మెంబర్స్ తో గొడవలు జరుగుతుండగా మనోజ్ దూరంగా ఉంటున్నారట.

మంచు ఫ్యామిలీలో విబేధాలనే వార్తలను మంచు లక్ష్మి గతంలో ఖండించారు. ఇవన్నీ నిరాధారమైన పుకార్లని క్లారిటీ ఇచ్చారు. ఇప్పుడేమో మనోజ్ పెళ్లి గురించి నాకు తెలియదన్నట్లు మాట్లాడారు.  మంచు లక్ష్మి సమాధానం విన్నాక మరింత గందరగోళం ఏర్పడింది.  

మనోజ్ 2015లో ప్రణతి రెడ్డి అనే అమ్మాయిని ప్రేమ వివాహం చేసుకున్నాడు. నాలుగేళ్లు సవ్యంగా సాగిన వీరి కాపురంలో కలతలు చోటు చేసుకున్నాయి. 2019లో అధికారికంగా విడాకులు తీసుకొని విడిపోయారు. ఇటీవల మనోజ్ ఒక కొత్త చిత్రం ప్రకటించారు. ఆయన సిల్వర్ స్క్రీన్ పై కనిపించి చాలా కాలం అవుతుంది. ఆ మధ్య అహం బ్రహ్మస్మి టైటిల్ తో పాన్ ఇండియా మూవీ ప్రకటించారు. దానిపై ఎలాంటి అప్డేట్ లేదు.