కార్తికేయ 2 కలెక్షన్ల జాతర.. చీకటి తర్వాత వెలుగులు, కృష్ణ లీల అంటే ఇదే.. లైగర్ వరకు కుమ్ముడే..

నిఖిల్ నటించిన లేటెస్ట్ మూవీ కార్తికేయ 2 శనివారం ప్రేక్షకుల ముందుకు వచ్చింది. అద్భుతమైన మౌత్ టాక్ తో రోజు రోజుకి వసూళ్లు పెరుగుతున్నాయి. దీనితో కార్తికేయ 2 ప్రదర్శించే థియేటర్స్ సంఖ్య కూడా పెరుగుతోంది. 

నిఖిల్ నటించిన లేటెస్ట్ మూవీ కార్తికేయ 2 శనివారం ప్రేక్షకుల ముందుకు వచ్చింది. తొలి షో నుంచే ఆడియన్స్ నుంచి ఈ చిత్రానికి సూపర్ రెస్పాన్స్ వస్తోంది. చాలా రోజులుగా థియేటర్స్ సమస్య, కోవిడ్ కారణాల వల్ల ఈ చిత్రం వాయిదా పడుతూ వచ్చింది. 

కార్తికేయ 2 చిత్రం వరుసగా వాయిదా పడుతుండడం.. కొందరు టార్గెట్ చేసి తమ చిత్రాన్ని వెనక్కి నెడుతుండడంతో తాను వర్ణించలేని మనోవేదన అనుభవించినట్లు నిఖిల్ పలు ఇంటర్వ్యూలలో తెలిపాడు. నిఖిల్ ఈ చిత్ర రిలీజ్ కోసం ఎంతగా బాదపడ్డాడో ఇప్పుడు అంత సంతోషంగా ఉన్నాయి. 

అద్భుతమైన మౌత్ టాక్ తో రోజు రోజుకి వసూళ్లు పెరుగుతున్నాయి. దీనితో కార్తికేయ 2 ప్రదర్శించే థియేటర్స్ సంఖ్య కూడా పెరుగుతోంది. తొలి రోజు రెండు తెలుగు రాష్ట్రాల్లో ఈ చిత్రం 3.5 కోట్ల షేర్ రాబట్టింది. క్రిటిక్స్ అద్భుతమైన రివ్యూస్, ఆడియన్స్ పాజిటివ్ రెస్పాన్స్ కారణంగా ఫస్ట్ డేని మించేలా సెకండ్ డే బాక్సాఫీస్ వద్ద రచ్చ జరిగింది. 

రెండవ రోజు ఈ చిత్రం 3.8 కోట్ల షేర్ ని తెలుగు రాష్ట్రాల్లో రాబట్టింది. ఇది రిమార్కబుల్ రెస్పాన్స్ అనే చెప్పాలి. మూస చిత్రాలతో, రొటీన్ కంటెంట్ తో విసిగిపోయిన ప్రేక్షకులు.. కార్తికేయ 2 లాంటి కంటెంట్ ఉన్న చిత్రాలకి జై కొడుతున్నారు. 

చీకటి తర్వాత వెలుగులు సహజం అనే సూక్తి నిఖిల్ విషయంలో నిజం అయింది. కార్తికేయ 2కి వస్తున్న రెస్పాన్స్ తో నిఖిల్ గాల్లో తేలిపోతున్నాడు. అంతా కృష్ణ లీల అంటూ నెటిజన్లు కామెంట్స్ చేస్తున్నారు. నిఖిల్ కూడా ఇంటర్వ్యూలలో శ్రీకృష్ణుడే ఈ చిత్రాన్ని ముందుకు నడిపించినట్లు పేర్కొన్నాడు. నిఖిల్ కెరీర్ లో బిగ్గెస్ట్ బ్లాక్ బస్టర్ దిశాగా కార్తికేయ 2 పయనిస్తోంది. ఈ చిత్రంలో నిఖిల్ కి జోడిగా అనుపమ పరమేశ్వరన్ నటించింది. 

వరల్డ్ వైడ్ గా ఈ చిత్రం రెండు రోజుల్లో 10 కోట్లకి పైగా షేర్ సాధించింది. ఈ చిత్రానికి జరిగిన ప్రీ రిలీజ్ బిజినెస్ 13 కోట్లు. అంటే ఈ రోజు ఈ చిత్రం బ్రేక్ ఈవెన్ సాధిస్తుంది అని ట్రేడ్ విశ్లేషకులు భావిస్తున్నారు. బాక్సాఫీస్ వద్దకి రాబోతున్న నెక్స్ట్ బిగ్ మూవీ లైగర్. ఈ చిత్రం ఆగష్టు 25న రిలీజ్ కాబోతోంది. సో అప్పటి వరకు నిఖిల్ సినిమాకి పండగే అని చెప్పాలి. 

ఈ చిత్రంలో శ్రీనివాస్ రెడ్డి, వైవా హర్ష చేసిన సపోర్టింగ్ రోల్స్ చాలా బాగా వర్కౌట్ అయ్యాయి. ఇక బాలీవుడ్ సీనియర్ నటుడు అనుపమ్ కేర్ 5 నిమిషాల పాత్రలో కనిపించారు. ఆయన పాత్ర 5 నిమిషాలే అయినప్పటికీ కృష్ణుడి గురించి ఆయన చెప్పిన డైలాగ్స్ గూస్ బంప్స్ తెప్పించాయి. 

కృష్ణుడు, రాముడు లాంటి వారిని మనం దేవుళ్లుగా భావించడం వల్ల కొంతమంది అవి కథలు అని కొట్టిపారేస్తున్నారు. వాళ్ళు నిజంగానే ఈ నేలపై అత్యున్నత విలువలతో జీవించిన మనుషులు అని.. అపర మేధాసంపత్తితో దేవుళ్లుగా పూజింపబడ్డారు అని.. ఇది కథ కాదు మన చరిత్ర అని బలంగా చెప్పే ప్రయత్నం చేశారు దర్శకుడు చందు ముండేటి. 

గుడిలో ఉన్న రాళ్లపై చెప్పులు లేకుండా నడిస్తే రక్త ప్రసరణకు ఎలా మంచి చేస్తుంది.. గుడిలో ఉన్న గంట వల్ల బ్రెయిన్ పై ఎలాంటి ఎఫెక్ట్ చూపిస్తుంది.. వేద మంత్రాల వల్ల ఉపయోగం ఏంటి లాంటి అంశాలపై తాను అధ్యయనం చేసినట్లు చందు ముండేటి ఓ ఇంటర్వ్యూలో తెలిపారు.