నన్ను మానసికంగా హింసించింది, మాజీ భార్యపై 380 కోట్ల పరువునష్టం దావా వేసిన హాలీవుడ్ స్టార్ హీరో

హాలీవుడ్  స్టార్  హీరోల్లో జానీ డెప్ కూడా ఒకరు. పైరేట్స్ ఆఫ్ ది కరేబియన్ సినిమా సిరీస్ లు చూసిన వారు ఈ హీరోకు తప్పకుండాఫ్యాన్ అయిపోతారు. ప్రపంచ వ్యాప్తంగా ఫ్యాన్ భేస్ ను సాధించిన ఈ స్టార్ హీరో... ప్రస్తుతం ఆయన తన మాజీ భార్య నటి అంబర్ హెర్డ్ తో పోరాడుతున్నారు. 

తన పరువును దెబ్బతీసేలా ఆమె రాసిన వ్యాసంపై కోర్టుకెక్కారు హాలీవుడ్ స్టార్ హీరో. తన భార్యపై  380 కోట్లకు పరువునష్టం దావా వేశారు. అంబర్ హెర్డ్ తో మూడేళ్ల పాటు డేటింగ్ చేసిన జానీ డెప్ 2015లో ఆమెను రెండో పెళ్లి  చేసుకున్నారు. అయితే పెళ్ళైన  ఏడాదికే ఇద్దరి మధ్య మనస్పర్థలు రావడంతో  విడాకులు తీసుకుని ఎవరి దారి వారు చూసుకున్నారు.

జానీ డెప్ తో విడిపోయిన తర్వాత కూడా తను గృహహింసకు గురయ్యానంటూ అంబర్ సంచలన ప్రనకటన చేశారు. ప్రకటన చేయడంతో పాటు ఒక వ్యాసం కూడా  రాశారు.  ప్రపంచ వ్యాప్తంగా ఈ వ్యాసం వైరల్ అయింది. దాంతో ఈ విషయం హాలీవుడ్ లో చాలా పెద్ద చర్చకు దారి తీసింది. 

ఈ వ్యాసంలో పేర్కొన్న అంశాలపై జానీ డెప్ కోర్టును ఆశ్రయించారు. తన మాజీ భార్యపై 380 కోట్లకు పరువునష్టం దావా వేశారు. ప్రస్తుతం ఈ కేసు వర్జీనియా కోర్టులో కొనసాగుతోంది. ఈ సందర్భంగా తన మాజీ భార్య తనను ఎంత హింసించిందో తెలుపుతూ.. తన  ఆగడాలను జానీ కోర్టులో ఏకరువు పెట్టారు. 

పెళ్లయిన ఏడాదికే ఇద్దరి మధ్య విభేదాలు ప్రారంభమయ్యాయని, తనకు మనశాంతి లేకుండా చేసి ఆమె తనను కొట్టేదని జానీ కోర్టుకు వెల్లడించారు. అసభ్యకరమైన మాటలతో తనను వేధిస్తూ, మానసిక వేదనకు గురి చేసేదని స్టార్ హీరో తన బాధను వెల్లడించారు.  వైన్ గ్లాస్, టీవీ రిమోట్ తన తలపైకి విసిరేదని, ఇష్టం వచ్చినట్టు తిడుతూ.. మాటలతో మనోవేధన కలిగించిందన్నారు. 

 తన భార్య చేసిన ధారుణాలను జాని డెప్ వివరంగా చెప్పారు. వింటానికి కూడా అసహ్యం కలిగించే ఎన్నో పనులు  ఏకరువు పెట్టాడు జానీ డెప్.  బెడ్ పై మానవ మలం పోసేదని, తనను హింసిస్తూ, అవమానించేదని ఆవేదన వ్యక్తం చేశారు.  ఈకేసు హాలీవుడ్ లో సంచలనం అయ్యింది. కోర్డ్ తీర్పు ఏమిస్తుందా అని అంతటా ఉత్కంట ఏర్పడింది.