అభిమాని తండ్రి పంపిన గిఫ్ట్ చూసి ఇంద్రజ భావోద్వేగం.. తన పూజ గదిలో దాచుకుంటా అంటూ కన్నీళ్లు..

నటి, జబర్దస్త్ జడ్జ్ ఇంద్రజ ఎమోషనల్‌ అయ్యారు. అభిమాని చేసిన పనికి ఆమె షోలోనే కన్నీళ్లు పెట్టుకున్నారు. ఇంద్రజ ఎమోషనల్‌ కావడం ఇప్పుడు ఆశ్చర్యంగా మారింది. ఇంతకి ఏం జరిగిందంటే..  

ఇంద్రజ ఒకప్పుడు స్టార్‌ హీరోయిన్‌గా రాణించింది. అందంతో మాయ చేసింది. సెకండ్‌ ఇన్నింగ్స్ లో మాత్రం ఆమె చాలా సెలక్టీవ్‌గా సినిమాలు చేస్తుంది. ఎక్కువగా టీవీ షోస్‌పై ఫోకస్‌ పెట్టింది. ఆమె ప్రస్తుతం `జబర్దస్త్` షోకి, అలాగే `శ్రీదేవి డ్రామా కంపెనీ`లో జడ్జ్ గా వ్యవహరిస్తుంది. తనదైన జడ్జ్ మెంట్‌తో అలరిస్తుంది. ముఖ్యంగా తన నవ్వుతో కట్టిపడేస్తుంది. ఆమె నవ్వుకోసమే షోని చూసే వాళ్లు ఉన్నారంటే అతిశయోక్తి కాదు.  

అంతగా బుల్లితెర ఆడియెన్స్ ని ఎట్రాక్ట్ చేస్తుంది ఇంద్రజ. షోకి యాంకర్‌ రష్మి తర్వాత ఆమె స్పెషల్‌ ఎట్రాక్షన్‌గా నిలుస్తుంది. ఇదిలా ఉంటే తాజాగా ఆమె టీవీ షోలో కన్నీళ్లు పెట్టుకోవడం వైరల్‌గా మారింది. శ్రీదేవి డ్రామా కంపెనీ షోకి సంబంధించిన ప్రోమో విడుదలైంది. ఇందులో ఇంద్రజ ఎపిసోడ్‌ హైలైట్‌గా నిలిచింది. 

ఇందులో హైపర్‌ ఆది కామెడీ ఆకట్టుకుంటుంది. అలాగే డాన్సర్లు డాన్సులు అదరగొట్టాయి. ఆటపాట మెప్పించింది. ఈ క్రమంలో ఓ లేడీ డాన్సర్‌(అభిమాని) ఇంద్రజ కోసం గిఫ్ట్ తెచ్చింది. తన నాన్నకి ఇంద్రజ అంటే క్రష్‌ అట. చాలా కాలంగా అభిమానం అని తెలిపింది. అంతేకాదు తన తండ్రి పంపించిన గిఫ్ట్ ని ఇంద్రజకి ఇచ్చింది. 

అభిమాని తెచ్చిన గిఫ్ట్ ని తీసుకునేందుకు స్టేజ్‌పైకి వచ్చింది ఇంద్రజ. ఆ గిఫ్ట్ ని అక్కడే అందరి ముందు ఓపెన్‌ చేసింది. అందులో నృత్యకారులు ధరించే కాళ్ల గజ్జలు ఉన్నాయి. కుచిపూడి, భరతనాట్యం వంటి క్లాసిక్‌ డాన్సు చేసే కాళ్ల గజ్జలు గిఫ్ట్ గా పంపడం చూసి ఇంద్రజ ఆనందంతో ఉప్పొంగిపోయింది. ఆ ఆనందాన్ని ఆమె మాటల్లో చెప్పలేకపోయింది. 

అవి చూసి తనకు కళ్లు చెమ్మగిళ్లుతున్నాయని, చాలా ప్రతిష్టాత్మకంగా, ఆనందంగా భావిస్తున్నట్టు ఎమోషనల్‌ అయ్యింది ఇంద్రజ. ఆ భావోద్వేగంలోనే తన సీట్‌ వద్దకు వెళ్లిపోయింది. అంతేకాదు తట్టుకోలేక ఈ గిఫ్ట్ తన పూజ గదిలో ఉంటుందని తెలిపింది. అంతటితో ఆగలేదు. 

ఇంద్రజ మరోసారి ఎమోషనల్‌ అయ్యింది. కన్నీళ్లు ఆపుకోలేకపోయింది. అంతటితో ఆగలేదు. దీంతో ఆ అభిమాని ఇంద్రజ వద్దకి వచ్చి ఆమెని హగ్ చేసుకుంది. ఇది టోటల్‌ ఎపిసోడ్‌లోనే హైలైట్‌గా నిలిచింది. ఇంద్రజ ఇలా షోలో ఎమోషనల్‌ కావడం, ఏకంగా కన్నీళ్లు పెట్టుకోవడం చాలా అరుదు. ఆ గిఫ్ట్ ఆమెని ఎంతగా ప్రభావితం చేసిందో అర్థం చేసుకోవచ్చు. 

కర్నాటక మ్యూజికల్‌ ఫ్యామిలీ నుంచి వచ్చింది ఇంద్రజ. ఆమె చిన్పప్పుడే క్లాసికల్‌ సింగింగ్‌, డాన్సింగ్‌ నేర్చుకుంది. కుచిపూడి డాన్సు నేర్చుకుంది. రజనీకాంత్‌ సినిమాతో నటిగా ఎంట్రీ ఇచ్చింది. తెలుగులో `యమలీల` మూవీ ఎంతటి విజయాన్ని అందించిందో తెలిసిందే. ఆమె బ్రేక్‌ ఇచ్చింది.  `సోగసు చూడతరమా`, `అమ్మ దొంగ`, `వజ్రం`, `జగదేక వీరుడు`, `ఒక చిన్న మాట`, `చిలక్కొట్టుడు`, `పెద్దన్నయ్య` వంటి సినిమాలు చేసింది. ఇటీవల నటిగా మళ్లీ బిజీ అవుతుంది.