నన్నే కాదు చాలా మంది అమ్మాయిలను కొట్టేవాడు, సల్మాన్ ఖాన్ పై మాజీ ప్రేయసి సంచలన వ్యాఖ్యలు

బాలీవుడ్ కండల వీరుడు సల్మాన్ ఖాన్ .. బాలీవుడ్ మన్మధుడని అందరికి తెలిసిందే. ఆయన ప్రేమయాణం లిస్ట్ లో చాలా మంది ఉన్నారు. ఇక అందులో ఒక స్టార్ సోమీ అలీ. సల్మాన్ పై సంచలన వాఖ్యలు చేసింది బ్యూటీ.   

బాలీవుడ్ స్టార్ హీరో సల్మాన్ ఖాన్ 50 ఏళ్ల వచ్చినా.. ఇంకా కండలుతిరిగిన శరీరంతో.. బ్యాచిలర్ లైఫ్ నే ఎంజాయ్ చేస్తున్నాడు. పెళ్ళి.. పిల్లలు కుటుంబం అంటూ బంధాలకు దూరంగా ఉంటున్నాడు.  వయసు దాటినా ఇంకా బ్యాచిలర్ గానే ఉంటూ.. పెళ్లి ఆలోచనే లేకుండా గడిపేశాడు. 

ఇక బాలీవుడ్ లో ఫిల్మ్ కెరీర్  స్టార్టింగ్ నుంచి .. హిట్ సినిమాలతో పాటు..సినిమా సినిమాకు ఒక ప్రేమాయణం కూడా నడిపించాడు సల్మాన్. అలా ఆయన నటించిన న ప్రేమాయణాల చిట్టా తీస్తే చాలా పెద్దదిగానే ఉంటుంది. బాలీవుడ్ లో స్టార్ హీరోయిన్లుగా వెలుగు వెలిగిన ఐశ్వర్య రాయ్, కత్రినా కైఫ్ వంటి బ్యూటీలు ఆయనకు  మాజీ ప్రేయసిలే. 

ఇక  సల్మాన్ డేటింగ్ చేసిన వారిలో సినీ నటి సోమీ అలీ కూడా ఉంది. పాకిస్తాన్ కు చెందిన ఈ స్టార్ హీరోయిన్ సల్మాన్  తో ప్రేమలో మునిగి తేలింది.  ఇక తాజాగా ఆమె సల్మాన్ ఖాన్ గురించి ఇంట్రెస్టింగ్ విషయాలు  మాట్లాడింది. మాట్లాడటం కాదు. సల్మాన్ పై వరుసగా విమర్శలు గుప్పించింది. 

తనను సల్మాన్ చాలా సార్లు కొట్టాడంటూ ఆరోపించింది బ్యూటీ. తననే కాదు తనతోసహా ఇతర మహిళలను సల్మాన్ ఖాన్  కొట్టేవాడని ఆమె తెలిపింది. ఎంతో మంది హీరోయిన్లు సల్మాన్ బాధితులంటోంది బ్యూటీ.. ఆమె మాట్లాడుతూ.. సల్మాన్  గురించి మీకు తెలియదు.. అందుకే అతన్ని గొప్పవాడు అని కీర్తిస్తున్నారు. ముందు అతన్ని గొప్పగా కీర్తించడాన్ని మానేయాలని సలహా ఇచ్చింది బ్యూటీ. 

 సల్మాన్ ఖాన్, సోమీ అలీ కలిసి ఒకటే ఒక్క సినిమాలో నటించారు. కాని ఆసినిమా తెరవరకూ రాలేదు.  ఏవో కారణాల వల్ల ఆసినిమా మధ్యలోనే ఆగిపోయింది. ఆ సినిమా రిలీజ్ కాకపోయినా.. వీరి మధ్య మాత్రం ప్రేమ చిగురించింది. ఇక  ఆ తర్వాత ఇద్దరూ చాలా  కాలం పాటు ప్రేమలో మునిగి తేలారు. ఇక తర్వాతి కాలంలో వీరిప్రేమకు బ్రేకప్ చెప్పుకున్నారు. 

 అయితే  సోమీ  ఇండస్ట్రీని వదిలి చాలా కాలం అవుతోంది. ఇంత కాలం తర్వాత సల్మాన్ పై సోమీ అలీ ఇలా  విమర్శలు ..చేయడం బాలీవుడ్ లో హాట్ టాపిక్ అవుతోంది. ఇక పాకిస్థాన్ కు చెందిన సోమీ అలీ ప్రస్తుతం అమెరికాలో ఉంటోంది. హీరోయిన్ గా సినిమాలు మానేసి..  ఒక ఎన్జీవోను నిర్వహిస్తోంది.