Janaki Kalaganaledu: గుండెపోటుతో బాధపడుతున్న గోవిందరాజులు.. జానకిని అపార్థం చేసుకున్న అఖిల్?

Janaki Kalaganaledu: బుల్లితెరపై ప్రసారమవుతున్న జానకి కలగనలేదు సీరియల్ మంచి కుటుంబ కథ నేపథ్యంలో కొనసాగుతూ ప్రేక్షకులను బాగా ఆకట్టుకుంటుంది. కుటుంబం పరువుతో కూడిన కాన్సెప్ట్ తో ఈ సీరియల్ కొనసాగుతుంది. ఇక ఈరోజు డిసెంబర్ 19వ ఎపిసోడ్ లో ఏం జరిగిందో తెలుసుకుందాం..  

 ఈరోజు ఎపిసోడ్ లో మల్లిక,జెస్సి రిపోర్ట్స్ తీసుకుని ఎలా అయినా ఇందులో ఏముందో తెలుసుకోవాలి నిజం బయట పెట్టాలి అనుకుంటూ జెస్సి దగ్గరికి వెళ్తుండగా అది చూసి జానకి షాక్ అవుతుంది. అప్పుడు జానకి ఎలా అయినా మల్లికను ఆపాలి అనుకుని అక్కడికి వెళ్తుండగా ఇంతలో జ్ఞానాంబ మల్లికను పిలవడంతో  రిపోర్ట్స్ ని మల్లిక ఒకచోట దాచిపెట్టి అక్కడికి వెళ్తుంది. అది చూసిన జానకి మల్లిక అటు వెళ్లగానే వెంటనే ఆ పేపర్ ని అక్కడి నుంచి తీసుకొని వెళ్ళిపోతుంది. జ్ఞానాంబ దగ్గరికి వెళ్లిన మల్లిక చెప్పండి అత్తయ్య గారు అని అడగడంతో జరిగినవి వాటి ఆలోచించకు వెళ్లి పడుకో అనడంతో సరే అత్తయ్య గారు అని మల్లిక అక్కడికి వెళ్లిపోతుంది.

తరువాత అక్కడికి వెళ్ళి చూడగా అక్కడ పేపర్స్ లేకపోవడంతో ఇక్కడే పెట్టాను కదా ఎక్కడికి వెళ్లాయి అనుకుంటూ టెన్షన్ గా వెతుకుతూ ఉంటుంది. ఆ తర్వాత రూమ్ లోకి వెళ్ళిన జానకి రిపోర్ట్స్ అన్ని ఉండడంతో ఈ రిపోర్ట్స్ ఎవరికంటే కనపడకుండా చేయాలి అని అనుకుంటూ ఉంటుంది. ఇంతలో పనిమనిషి భుజం మీద చేయి వేయడంతో మల్లిక టెన్షన్ పడుతూ ఉంటుంది. అప్పుడు వెనక్కి తిరిగి చూడక అక్కడ పనిమనిషి చికిత ఉండడంతో అది చూసి ఊపిరి పీల్చుకుంటుంది మల్లిక. అప్పుడు వాళ్ళిద్దరూ సరదాగా ఫన్నీగా పోట్లాడుకుంటూ ఉంటారు.

మరొకవైపు ఆ రిపోర్ట్స్ ఎవరికీ కనబడకుండా ఉండాలి అంటే చింపేయడమే బెటర్ అనుకొని జానకి ఆ పేపర్స్ ని చింపేస్తుంది. మరుసటి రోజు రామచంద్ర బైక్ తుడుస్తూ ఉండగా ఇంతలో గోవిందరాజులు అక్కడికి వచ్చి పనిమనిషి చికిత ని గట్టిగా పిలుస్తాడు. అప్పుడు సడన్ గా గుండె పోటు రావడంతో నోట్లో నుంచి మాట లేకపోయేసరికి రామచంద్రన్ సైగలు చేస్తూ పిలుస్తూ ఉంటాడు. అది చూసిన రామచంద్ర ఒకసారిగా పరిగెత్తుకుంటూ వెళ్తాడు. అప్పుడు మందులు తీసుకుని రావడానికి లోపలికి వెళ్తాడు. తర్వాత రామచంద్రాన్ని ఫాలో అవుతూ వెళ్లిన జ్ఞానాంబ జరిగిందా అని చూస్తే బయట గోవిందరాజులను చూసి టెన్షన్ పడి బయటకు వెళ్తుంది.

 ఇంతలో జానకి అక్కడికి వచ్చి అందరూ కలిసి గోవిందరాజులు ఏమయింది అని అడుగుతూ టెన్షన్ పడుతూ ఉంటారు. అప్పుడు అందరూ బాధపడుతూ ఉంటారు. అప్పుడు గోవిందరాజులు తనకి అవే చివరి రోజులు అన్నట్టుగా మాట్లాడడంతో రామచంద్ర అలా మాట్లాడకు నాన్న అని అంటాడు. నేను లేకపోయినా నా తరపున ఇంటి బాధ్యతలు మోయడానికి నువ్వు ఉన్నావు రామచంద్ర ఇప్పటికే నువ్వు ఇంత బాధ్యతలను భుజంపై మోస్తున్నావు అని మాట్లాడుతాడు గోవిందరాజులు. అప్పుడు గోవిందరాజులు బాధగా మాట్లాడుతూ ఉండగా వెంటనే జ్ఞానాంబ ఏంటండీ ఇవన్నీ ఇప్పుడు మీకు ఏమైందని ఎందుకు ఇలా మాట్లాడుతున్నారు అని అంటుంది.

అప్పుడు గోవిందరాజులు నా బాధ నీ ఆవేదన ఒకటే కదా అని అంటాడు. మీ అమ్మకు నాకు అఖిల్ గురించే దిగులు అని బాధగా మాట్లాడుతాడు గోవిందరాజులు. ఆ తరువాత అందరూ కలిసి గోవిందరాజును లోపలికి పిలుచుకుని వెళ్తారు. అప్పుడు గోవిందరాజులు ఎలా అయినా అఖిల్ ని ప్రయోజకుడిని చేసి నాన్న బాధలు దూరం చేయాలి అని అనుకుంటూ అక్కడ నుంచి వెళ్ళిపోతాడు. తర్వాత బయటకు వెళ్లిన రామచంద్ర ఆలోచిస్తూ ఉండగా ఇంతలోనే అక్కడికి జానకి వస్తుంది. మీరే విన్నారు కదా జానకి గారు నాన్నగారు ఏ విషయం గురించి బాధపడుతున్నారు అని అంటాడు.

నాన్న అమ్మ ఇద్దరూ ఎక్కువగా అఖిల్ గురించి ఆలోచిస్తూ బాధపడుతున్నారు అని అంటాడు. అప్పుడు జానకి అఖిల్ గురించి మాట్లాడుతుండగా ఇంతలో అఖిల్ అక్కడికి వచ్చి వింటూ ఉంటాడు. అఖిల్ జాబ్ వెతుక్కోవడం కాదు అంకిల్ ఇంజనీరింగ్ పూర్తి చేశారు కాబట్టి అందుకు తగ్గ జాబ్ ఏదైనా చూసుకోమని చెప్పండి అని జానకి రామచంద్రతో మాట్లాడుతూ ఉండగా ఇంతలో అఖిల్ కోపంగా అక్కడికి వస్తాడు. ఎందుకు వదిన నేను అంటే నీకు అంతకోపం అని అంటాడు. అప్పుడు రామచంద్ర అసలు విషయానికి చెప్పడానికి ప్రయత్నించగా వద్దన్నయ్య నువ్వు నాకేం చెప్పాల్సిన అవసరం లేదు అని అంటాడు అఖిల్.

ఇప్పుడు అఖిల్ జానకిని అపార్థం చేసుకుంటూ కావాలని జానకి గురించి నోటికి వచ్చిన విధంగా వాగుతాడు. జానకి కూడా సర్ది చెప్పడానికి ప్రయత్నించగా అఖిల్ మాట వినకుండా జానకిని నానా మాటలు అంటూ ఉంటాడు. అప్పుడు అఖిల్ అక్కడి నుంచి వెళ్లిపోయిన తర్వాత రామచంద్ర జానకికి నచ్చదు ప్రయత్నం చేస్తాడు. అప్పుడు అదంతా చూసిన మల్లిక ఇంత మంచి సీను నేను లేకుండానే క్రియేట్ అయిందా అనుకుంటూ నవ్వుకుంటూ ఉంటుంది. ఆ తర్వాత రూమ్ లోకి వెళ్లిన అఖిల్ కోపంతో రగిలిపోతూ ఉండగా ఇంతలో జెస్సి అక్కడికి రావడంతో జెస్సి అని పిలుస్తాడు.

ఎక్కడికి వెళ్తున్నావు జెస్సి అనడంతో నా మందులు అయిపోయాయి అందుకే అక్కకు ప్రిస్క్రిప్షన్ ఇవ్వడానికి వెళుతున్నాను అని అంటుంది జెస్సి. అప్పుడు అఖిల్ ఆ ప్రిస్క్రిప్షన్ ఇలా ఇవ్వు నేను మందులు తీసుకుని వస్తాను అని అంటాడు. అప్పుడు అఖిల్ తన చదువుకున్న డాక్యుమెంట్ తీసుకొని జాబ్ కోసం వెళ్తున్నాను అని బయలుదేరుతాడు.