మీరు Fastag రీఛార్జ్ ఎలా చేస్తున్నారు? UPIని వినియోగిస్తారా? ఇంకేదైనా ప్రాసెస్ లో ఫాస్ట్ ట్యాగ్ రీఛార్జ్ చేస్తున్నారా? అయితే రీఛార్జ్ విషయంలో ప్రభుత్వం పెద్ద మార్పులను ప్రవేశపెట్టింది. ఇవి తెలుసుకోకపోతే మీరు ఇబ్బందులు పడతారు. మీరు అనవసరంగా ఫైన్లు, పెనాల్టీలు కట్టాల్సి ఉంటుంది. ఈ అప్‌డేట్‌ల పూర్తి వివరాలు ఇక్కడ ఉన్నాయి.
FASTAG రీఛార్జ్ నియమాలలో తరచుగా మార్పులు చేస్తుంటారు. ఇప్పుడు మారిన రూల్స్ తెలుసుకోవడం చాలా ముఖ్యం. మీరు UPI ద్వారా రీఛార్జ్ చేస్తున్నారా? అయితే కేంద్ర ప్రభుత్వ నిర్ణయాన్ని తెలుసుకోవడం అవసరం. ముఖ్యంగా ఫాస్టాగ్ రీఛార్జ్ ను ఎక్కువ మంది UPI ఉపయోగించి చేస్తుంటారు. చాలా మంది ఆటో డెబిట్ ఆప్షన్ ఉపయోగించి పేమెంట్స్ చేస్తుంటారు. ఇప్పుడు ఆటో పేమెంట్ రూల్స్ మారాయి. 24 గంటల ముందు వినియోగదారులకు పంపే నోటిఫికేషన్‌లు ఇకపై మీకు పంపరు.
UPI యాప్ ద్వారా కస్టమర్‌లు ఆటో చెల్లింపులను సులభంగా చేయవచ్చు. అవసరం లేదనుకుంటే క్యాన్సిల్ కూడా చేయవచ్చు. భారతదేశంలో యూనిఫైడ్ పేమెంట్స్ ఇంటర్‌ఫేస్(UPI) చెల్లింపుల పెరుగుదలతో ఫాస్టాక్ రీఛార్జ్ బాగా ప్రాచుర్యం పొందింది. UPI సౌలభ్యం కారణంగా ఎక్కువ మంది వినియోగదారులు తమ Fastag ఖాతాలను రీఛార్జ్ చేయడానికి ఈ పద్ధతిని ఎంచుకుంటున్నారు. అయితే ఫాస్టాక్ రీఛార్జ్‌లకు సంబంధించిన నియమాలలో ముఖ్యంగా ఆటో-పే ఫీచర్‌కు సంబంధించి ప్రభుత్వం కొన్ని ముఖ్యమైన మార్పులను ప్రవేశపెట్టింది. మీరు Fastag రీఛార్జ్‌ల కోసం UPI-I సాధారణ వినియోగదారు అయితే మీ తదుపరి చెల్లింపు చేసే ముందు ఈ అప్‌డేట్‌ల గురించి తెలుసుకోవడం ముఖ్యం.
జనాదరణ పొందిన మొబైల్ ఫీచర్లలో ఒకటి ఆటో-పే. ఇది మాన్యువల్ ప్రమేయం లేకుండా తమ Fastag ఖాతాలను ఆటోమేటిక్‌గా రీఛార్జ్ చేసుకోవడానికి వినియోగదారులను అవకాశం కల్పిస్తోంది. ఆటో-పే ఫీచర్ ప్రారంభించబడిన తర్వాత బ్యాలెన్స్ అవసరమైన అమౌంట్ కంటే తక్కువగా ఉన్నప్పుడు సెల్ఫ్ డెబిటింగ్ ఆప్షన్ యాక్టివేట్ అవుతుంది. ఇంతకు ముందు ఆటో పేమెంట్ ఆప్షన్ యాక్టివేట్ అయినప్పుడు యూజర్లు పేమెంట్ చేయడానికి 24 గంటల ముందు నోటిఫికేషన్ అందుకొనే వారు. ఈ నోటిఫికేషన్ రిమైండర్‌గా కూడా పనిచేసేది. అవసరమైతే పేమెంట్ అడ్జెస్ట్ చేయడానికి లేదా రద్దు చేయడానికి వినియోగదారులకు అవకాశం ఇస్తుంది.
అయితే కొత్త నిబంధనల ప్రకారం ఈ 24 గంటల నోటిఫికేషన్ తీసేసారు. ఇప్పుడు Fastag ఖాతాలోని బ్యాలెన్స్ లో అవసరమైన లిమిట్ కంటే తక్కువకు పడిపోతే ఎలాంటి ముందస్తు నోటిఫికేషన్ లేకుండానే డబ్బు ఆటోమేటిక్‌గా తీసేస్తారు.
ఫాస్టాగ్ రీఛార్జ్ నియమాలు
FASTAG, నేషనల్ కామన్ మొబిలిటీ కార్డ్ (NCMC)తో సహా వివిధ సేవలపై ఆటోమేటిక్ చెల్లింపులను నియంత్రించేందుకు ఇ-మాండేట్ సిస్టమ్‌లో భాగంగా ఈ మార్పు అమలు చేస్తున్నారు. ఈ అప్‌డేట్ ఆటోమేటిక్ రీఛార్జ్‌ల సౌలభ్యాన్ని మెరుగుపరుస్తుంది. వినియోగదారులు తమ ఖాతా బ్యాలెన్స్‌ల గురించి మరింత అప్రమత్తంగా ఉండాలని కూడా ఈ చర్య ద్వారా మనం తెలుసుకోవచ్చు. నోటీసు లేకుండా ఆటోమేటిక్ FASTAG రీఛార్జ్‌లను కవర్ చేయడానికి లింక్ చేయబడిన బ్యాంక్ ఖాతా లేదా UPI వాలెట్‌లో తగినన్ని నిధులు ఉన్నాయని నిర్ధారించుకోవడం ముఖ్యం.
కేంద్ర ప్రభుత్వం మార్పులు చేసినప్పటికీ వినియోగదారులు సెల్ఫ్ పేమెంట్స్ ప్రక్రియపై పూర్తి అవగాహన, కంట్రోలింగ్ కెపాసిటీని కలిగి ఉంటారు. మీరు ఆటో-పే ఫీచర్‌ని యాక్టివేట్ చేయకూడదనుకుంటే లేదా ఎప్పుడైనా డిజేబుల్ చేయకూడదనుకుంటే మీరు దీన్ని మీ UPI యాప్ ద్వారా సులభంగా మేనేజ్ చేయవచ్చు.
Fastag Kyc అప్‌డేట్
Fastag రీఛార్జ్‌ల కోసం ఆటో-పే ఆప్షన్ ను ఎలా రద్దు చేయాలి? మార్చాలి అనేదానికి దశల వారీ సూచనలు ఇక్కడ ఉన్నాయి.
ముందుగా మీ UPI యాప్‌ని తెరవండి.
Google Pay, PhonePay, Paytm లేదా ఇతర FASTag రీఛార్జ్‌ల కోసం మీరు ఉపయోగించే UPI యాప్‌కి లాగిన్ అవ్వండి.
మీ యాప్‌లో మీ ప్రొఫైల్ విభాగానికి వెళ్లండి.
ఇది సాధారణంగా మీ అకౌంట్ పేమెంట్స్ సంబంధించిన అన్ని సెట్టింగ్‌లను కలిగి ఉంటుంది. పేమెంట్ అనే ఆప్షన్ పై క్లిక్ చేయండి.
సెల్ఫ్ యాక్టివేటెడ్ ఆప్షన్ లో FASTag రీఛార్జ్‌లు, మీరు ఆటోమేటిక్ చెల్లింపులను ప్రారంభించిన ఇతర సేవలు ఉంటాయి.
FASTag కొత్త నియమాలు
మీ అవసరాన్ని బట్టి మీరు ఆటో-పే ఫీచర్‌ని పాజ్ చేయవచ్చు. లేదా పూర్తిగా తీసేయొచ్చు. మీరు పాజ్ చేయాలని ఎంచుకుంటే, స్వీయ-రీఛార్జ్ తాత్కాలికంగా ఆగిపోతుంది. మీరు దీన్ని తీసివేయాలని ఎంచుకుంటే ఆటోమేటిక్ చెల్లింపు సెట్టింగ్ తొలగిపోతుంది. మీరు ఇకపై మాన్యువల్‌గా రీఛార్జ్ చేయాలి. ఫాస్టాగ్ రీఛార్జ్ నియమాలలో ప్రభుత్వం ఇటీవల చేసిన మార్పులు భారతదేశంలో డిజిటల్ చెల్లింపులు ఏ విధంగా పెరుగుతున్నాయో చెప్పే ఓ గొప్ప సందర్భం.