ప్రత్యేక ఫీచర్లు
NTorq XT అనేది టాప్-ఆఫ్-లైన్ వేరియంట్. దీని స్కూటర్ చాలా హై-స్పెక్ ఫీచర్లను పొందుతుంది. LCD అండ్ TFT స్క్రీన్ ఉన్న దాని డ్యూయల్-స్క్రీన్ సెటప్ వీటిలో చాలా ముఖ్యమైనది. అంతేకాకుండా బ్లూటూత్ ద్వారా స్మార్ట్‌ఫోన్‌తో కనెక్ట్ అయ్యే కంపెనీ పేటెంట్ TVS SmartXonnect సిస్టమ్‌ కూడా ఉంటుంది. దీనితో పాటు SmartXtalk అండ్ SmartXtrack వంటి ఫంక్షన్లు కూడా ఈ స్కూటర్‌లో ఉన్నాయి. SmartXtalk వాయిస్ అసిస్టెన్స్ వెర్షన్‌గా పనిచేస్తుంది. అయితే SmartXtrack వాతావరణం, వార్తలు, క్రికెట్, సోషల్ మీడియా మొదలైన వాటికి సంబంధించిన నోటిఫికేషన్‌లను పంపుతుంది.
అధునాతన టెక్నాలజి
టీవీఎస్ మోటార్ టెక్నాలజీలో కొత్త బెంచ్‌మార్క్‌ను సృష్టించింది. కొత్త TVS NTORQ 125 XT స్కూటర్ ఇప్పుడు సోషల్ మీడియా ప్లాట్‌ఫారమ్ అలెర్ట్స్ నోటిఫికేషన్‌ను కూడా అందిస్తుంది. స్కూటర్ ఫుడ్ డెలివరీ స్టేటస్‌ని ట్రాక్ చేయడానికి ఉపయోగపడుతుంది, ఈ ఫీచర్ భారతదేశంలోని ద్విచక్ర వాహనాలలో మొదట కనిపించే అనుకూలమైన ఫీచర్. రైడర్ ఎంగేజ్‌మెంట్‌పై ప్రధాన దృష్టితో, TVS NTORQ 125 XT కొత్త ట్రాఫిక్ టైమ్ స్లైడర్ స్క్రీన్‌తో వస్తుంది, ఇంకా మీరు ట్రాఫిక్ సిగ్నల్ వద్ద వేచి ఉన్నప్పుడు క్రికెట్ అండ్ ఫుట్‌బాల్ స్కోర్‌లు, లైవ్ AQI, వార్తలు ఇంకా ఎక్కువ ట్యాబ్‌లను ఉంచడానికి అనుమతిస్తుంది.
విలాసవంతమైన SMARTXONNECTTM
TVS NTORQ 125 XT TVS SmartXonnectTMతో అమర్చబడింది. ఇది ఒక వినూత్న బ్లూటూత్-స్టార్ట్ టెక్నాలజి, ఇంకా ప్రత్యేకమైన TVS కనెక్ట్ మొబైల్ యాప్‌తో పెరింగ్ చేయబడింది, అలాగే Android అండ్ iOS ప్లాట్‌ఫారమ్‌లలో అందుబాటులో ఉంటుంది.
SmartXtalk
కొత్త వేరియంట్ లో ఇప్పుడు మెరుగైన వాయిస్ అసిస్ట్ ఫీచర్ ఉంది. రైడర్‌లు ఇంకా మోడ్‌లను మార్చుకోవచ్చు, స్క్రీన్ బ్రైట్‌నెస్‌ని అడ్జస్ట్ చేయవచ్చు, ఇంకా గమ్యస్థానాలకు నావిగేట్ చేయవచ్చు అంతేకాదు వాయిస్ కమండ్స్ తో వారికి ఇష్టమైన పాటలను ప్లే చేయవచ్చు. స్కూటర్ ఇప్పుడు కొత్త ఫీచర్లతో రైడర్‌తో మాట్లాడగలదు. తక్కువ ఇంధన హెచ్చరిక, ఇంధన వృధా, వర్షం హెచ్చరిక, ఫోన్ బ్యాటరీ లో ఛార్జ్ హెచ్చరిక మరిన్ని వంటి ఆడియో ఫీడ్‌బ్యాక్ ద్వారా రైడర్ సమాచారాన్ని పొందుతాడు.
ఇంజిన్ అండ్ పవర్
ఇంజన్ స్పెసిఫికేషన్‌ల గురించి మాట్లాడుతూ, TVS NTORQ 125 XTకి TVS రేసింగ్ పెడిగ్రీ సపోర్ట్ ఇస్తుంది, అంటే దాని పనితీరును గొప్పగా చేస్తుంది. TVS NTORQ 125 XT 124.8 cc, 3-వాల్వ్, ఎయిర్-కూల్డ్, రేస్ ట్యూన్డ్ ఫ్యూయెల్ ఇంజెక్షన్ (RT-Fi) ఇంజన్ ద్వారా శక్తిని పొందుతుంది. ఈ ఇంజన్ 7,000 rpm వద్ద 6.9 kW శక్తిని అండ్ 5,500 rpm వద్ద 10.5 Nm గరిష్ట టార్క్‌ను ఉత్పత్తి చేస్తుంది.
SmartXtrack
వాతావరణం, వార్తలు, క్రికెట్, సోషల్ మీడియా అండ్ ఇతర అప్‌డేట్‌లపై నోటిఫికేషన్‌లను ట్రాక్ చేయగలదు. వినియోగదారులు ఇప్పుడు స్కూటర్ స్క్రీన్‌పై కనిపించే ఇన్‌కమింగ్ కాలర్ ఫోటోతో పాటు వారి ప్రొఫైల్ ఫోటోని కూడా సెట్ చేయవచ్చు.
లుక్ అండ్ స్టైల్
Ntorq 125 XT బాడీవర్క్ ఇతర ట్రిమ్‌లాగానే ఉంటుంది. అయితే దీని ఆకర్షణీయమైన గ్రాఫిక్స్‌తో కొత్త అండ్ డేడికేటెడ్ నియాన్ గ్రీన్ పెయింట్ స్కీమ్‌ను పొందుతుంది. ఇంకా TVS NTORQ 125 లైనప్ ఇతర వేరియంట్‌ల నుండి భిన్నంగా ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి