మెర్సిడెస్-బెంజ్(Mercedes-Benz) 300 ఎస్‌ఎల్‌ఆర్ పేరు ప్రపంచంలోనే అత్యంత ఖరీదైన కారుగా మారింది. ఈ రేసింగ్ కారు 142 మిలియన్ డాలర్లకు అంటే 11 కోట్లకు అమ్ముడుపోయింది. దీనికి ముందు ఫెరారీ 250 జి‌టి‌ఓ ప్రపంచంలోనే అత్యంత ఖరీదైన కారుగా రికార్డు సృష్టించింది.
దీనిని 542 కోట్లకు విక్రయించారు. మెర్సిడెస్-బెంజ్ 300 ఎస్‌ఎల్‌ఆర్ మే 5న జర్మనీలోని స్టట్‌గార్ట్‌లోని మెర్సిడెస్-బెంజ్ మ్యూజియంలో వేలం వేయబడింది.
మీడియా నివేదికల ప్రకారం, ఈ కారు రెండు మోడళ్లను కంపెనీ 1950లో తయారు చేసింది. మెర్సిడెస్ ఈ రెండు హైటాప్ వేరియంట్లలో మూడు-లీటర్ ఇంజన్ అందించారు. దీనికి 302 PS సామర్ధ్యం ఉంది. ఈ ఇంజన్ చాలా పవర్ ఫుల్. అప్పటి కార్లలో ఈ కారు అత్యంత వేగవంతమైన కారు.
ఈ కారు 1954లో అద్భుతాలు చేసింది. ఈ కారు 12 రేసుల్లో 9 గెలుపొంది ప్రజల దృష్టిని ఆకర్షించింది. మెర్సిడెస్ 1955లో రేసింగ్‌ను నిలిపివేసింది. నివేదిక ప్రకారం, ఈ రేసింగ్ కారు 1955లో రేసింగ్ ట్రాక్‌పై ల్యాండ్ అయినప్పుడు కారు డ్రైవర్, 83 మంది ప్రేక్షకులు ప్రమాదంలో మరణించారు.
జర్మనీలో రహస్య వేలం ద్వారా ఈ కారుని విక్రయించారు. ప్రపంచంలోనే అత్యంత ఖరీదైన పాతకాలపు మెర్సిడెస్ కారును కొనుగోలు చేసిన వ్యక్తి పేరును మాత్రం గోప్యంగా ఉంచారు. ఈ మొత్తాన్ని చెల్లించినప్పటికీ, కారు కొత్త యజమాని దానిని ఇంటికి తీసుకెళ్లడానికి లేదా ప్రతిరోజు దానితో రోడ్లపై తిరగడానికి అనుమతించబడడు. ఒప్పందం ప్రకారం, ఈ కారు జర్మనీలోని స్టట్‌గార్ట్‌లోని మెర్సిడెస్ మ్యూజియంలో ఉంచబడుతుంది.
అయితే ఈ కారు కొత్త యజమానికి అప్పుడప్పుడు దీన్ని డ్రైవ్ చేసే అవకాశం ఉంటుంది. మెర్సిడెస్ 300 SLR ఉహ్లెన్‌హౌట్ కూపే ఎనిమిది సిలిండర్ల Mercedes-Benz W196 ఫార్ములా వన్ కారు డిజైన్‌పై ఆధారపడి ఉంటుంది. దీంతో అర్జెంటీనా స్టార్ కార్ రేసర్ జాన్ మాన్యుయెల్ 1954–55లో ప్రపంచ ఛాంపియన్‌షిప్‌ను గెలుచుకున్నాడు.
కేవలం తొమ్మిది కార్లను మాత్రమే
మెర్సిడెస్ కంపెనీ ఇప్పటివరకు 300 SLR కేటగిరీలో తొమ్మిది కార్లను మాత్రమే ఉత్పత్తి చేసింది. వీటిలో రెండు ప్రత్యేకమైన Uleno కూపే ప్రోటోటైప్ కార్లు. చెకింగ్ విభాగం హెడ్ ఈ కార్లలో ఒకదానిని కంపెనీ కారుగా నడిపారు.
మోనాలిసాగా పిలవబడే 300 SLR కారుని 1930లో రేసింగ్‌లో ఆధిపత్యం చెలాయించిన 'సిల్వర్ ఆరో' కార్ల వారసుడిగా పరిగణించబడుతుంది. దీన్ని మోనాలిసా ఆఫ్ కార్స్ అని పిలుస్తారు. మెర్సిడెస్-బెంజ్ ఛైర్మన్ ఓలా క్లీనియస్ మాట్లాడుతూ, 'దీంతో మేము మెర్సిడెస్ శక్తిని చూపించాలనుకుంటున్నాము, అని అన్నారు.
వేలం ద్వారా వచ్చిన రూ.1105 కోట్ల మొత్తాన్ని ఇంజినీరింగ్, మ్యాత్స్, సైన్స్ విద్యార్థులకు స్కాలర్‌షిప్‌లు ఇవ్వడానికి కంపెనీ ఉపయోగించనుంది.