ఎన్టీఆర్ రాజకీయ స్పీచ్ తో... ‘పెద్ద కాపు’టీజర్

పొలిటికల్ డ్రామాతో కూడుకున్న ఈ సినిమాని శ్రీకాంత్ అడ్డాల పూర్తి రా అండ్ రస్టిక్ గా తెరకెక్కించాడు. టీజర్ కి ఇచ్చిన బ్యాక్ గ్రౌండ్ స్కోర్ బాగా ఆకట్టుకుంది.  

కొత్త బంగారులోకం, సీతమ్మ వాకిట్లో సిరిమల్లె చెట్టు సినిమాలతో తనకంటూ స్పెషల్ ఇమేజ్ క్రియేట్ చేసుకున్న దర్శకుడు దర్శకుడు శ్రీకాంత్ అడ్డాల. ఆ తర్వాత రూట్ మార్చి వెంకటేష్ తో ‘నారప్ప’ వంటి ఊర మాస్ మూవీ తీసి అందరికీ షాక్ ఇచ్చాడు.  ఇప్పుడు  మరోసారి ‘పెద్ద కాపు’ అనే టైటిల్ తో వస్తున్న ఈ  సినిమాతో తనలోని పూర్తి మాస్ ని బయట పెట్టబోతున్నాడని అర్దమవుతోంది. ఇక ఈ సినిమా  రెండు పార్ట్ లుగా ఈ సినిమా రాబోతుంది. అలాగే ఎవరూ ఊహించని విధంగా ఈ చిత్రానికి ఒక సామజిక వర్గానికి చెందిన పేరుని టైటిల్ గా పెట్టి సెన్సేషన్ క్రియేట్ చేసారు.

‘ఓ సామాన్యుడి సంతకం’ అనే ట్యాగ్ లైన్ తో వస్తున్న ఈ సినిమాలో కొత్త కుర్రాడు ‘విరాట్ కర్ణ’ హీరోగా నటించబోతున్నాడు. తాజాగా ఈ మూవీ టీజర్ ని రిలీజ్ చేశారు మేకర్స్. 

సీనియర్ ఎన్టీఆర్ రాజకీయ స్పీచ్ తో ఈ టీజర్ ని మొదలుపెట్టి సినిమా కథాంశం ఏంటో చెప్పేశాడు. ఒక ఊరిలోని ఇద్దరు పెద్దమనుషులు మధ్య చిక్కుకొని ఎన్నో బాధలు పడుతున్న సామాన్య జనం.. వారి పై తిరగబడి ఎలా పోరాటం చేశారు అనేదే సినిమా స్టోరీ లైన్ అని తెలుస్తుంది. పొలిటికల్ డ్రామాతో కూడుకున్న ఈ సినిమాని శ్రీకాంత్ అడ్డాల పూర్తి రా అండ్ రస్టిక్ గా తెరకెక్కించాడు. టీజర్ కి ఇచ్చిన బ్యాక్ గ్రౌండ్ స్కోర్ బాగా ఆకట్టుకుంది.

ఈ చిత్రాన్ని  అఖండ (Akhanda) వంటి బ్లాక్ బస్టర్ ని అందుకున్న మిర్యాల రవీందర్ రెడ్డి నిర్మిస్తున్నాడు. మిక్కీ జే మేయర్ సంగీతం అందిస్తున్నాడు.  ప్రగతి శ్రీవాస్తవ హీరోయిన్ గా నటిస్తున్న ఈ సినిమాలో రావు రమేష్, నాగబాబు, తనికెళ్ళ భరణి, రాజీవ్ కనకాల, బ్రిగడ సగ, అనసూయ, ఈశ్వరి రావు, నరేన్ ప్రధాన పాత్రల్లో నటిస్తున్నారు. శ్రీకాంత్ అడ్డాల కూడా ఒక పాత్రలో కనిపించబోతున్నాడు.