2026 నాటికి 50 శాతం కంటే ఎక్కువ లావాదేవీలు క్యాష్‌లెస్ అవుతాయని అంచనా, డిజిటల్ ఎకానమీలో భారత్ గ్లోబల్ లీడర్
By Krishna Adithya | First Published Jun 7, 2023, 2:27 AM ISTచైనా తర్వాత భారతదేశం రెండవ అతిపెద్ద ఇంటర్నెట్ వినియోగదారులను (70 కోట్లకు పైగా) కలిగి ఉంది. ఇది రాబోయే సంవత్సరాల్లో డిజిటల్ చెల్లింపులలో గ్లోబల్ లీడర్‌గా అవతరించడానికి సిద్ధంగా ఉంది.
భారతీయ కుటుంబాలు తమ ఆర్థిక లావాదేవీలలో ప్రస్తుతం 35 శాతం డిజిటల్ రూపంలో చెల్లిస్తున్నాయి. అయితే ఇది 2025-26 ఆర్థిక సంవత్సరం (FY26) నాటికి 50 శాతం దాటుతుందని అంచనాలు వెలువడుతున్నాయి. ఈ మేరకు మంగళవారం విడుదల చేసిన నివేదికలో పేర్కొంది. పే-టు-మర్చంట్ చెల్లింపులు (P2M) డిజిటల్ లావాదేవీలలో ముఖ్యమైన భాగంగా ఉంది. 80 శాతం భారతీయ కుటుంబాలు కిరాణా, ఆహార పంపిణీ, ప్రయాణ లావాదేవీల కోసం డిజిటల్ చెల్లింపులను ఉపయోగిస్తున్నాయి.
రెడ్‌సీర్ స్ట్రాటజీ కన్సల్టెంట్స్, పైన్ ల్యాబ్‌ సంయుక్తంగా రూపొందించిన ఈ నివేదికలో కరోనా మహమ్మారి సమయంలో మొదటిసారిగా ఇ-కామర్స్ వినియోగదారులు డిజిటల్ చెల్లింపుల స్వీకరణను వేగవంతం చేశారని పేర్కొంది. భారతీయ ఇ-కామర్స్ మార్కెట్ విలువ రూ.4,00,000 కోట్లుగా ఉంది. అలాగే FY2026 నాటికి రూ.9,00,000 కోట్లకు చేరుకుంటుందని అంచనా వేశారు. ఈ వృద్ధిలో ఎక్కువ భాగం టైర్-2 , చిన్న నగరాల్లోని కస్టమర్ల నుండి లభిస్తోంది.
Latest Videos
రెడ్‌సీర్ భాగస్వామి జస్బీర్ జునేజా మాట్లాడుతూ, “భారతదేశంలో ఆన్‌లైన్ షాపర్ల సంఖ్య వచ్చే మూడేళ్లలో 50 శాతం పెరిగి FY2026 నాటికి 30 కోట్లకు చేరుతుందని వారి పరిశోధనలు చెబుతున్నాయి. ఇది భారతదేశంలో ఆన్‌లైన్ చెల్లింపుల వృద్ధికి మార్గం సుగమం చేస్తుంది. స్మార్ట్‌ఫోన్ వినియోగం పెరుగుదల , డిజిటల్ చెల్లింపులపై ప్రభుత్వ విధానాల వల్ల 2026 ఆర్థిక సంవత్సరం నాటికి భారతదేశంలోని 85 శాతం వ్యాపారాలు డిజిటల్‌గా మారుతాయని నివేదిక పేర్కొంది.
చైనా తర్వాత భారతదేశం రెండవ అతిపెద్ద ఇంటర్నెట్ వినియోగదారులను (70 కోట్లకు పైగా) కలిగి ఉంది. ఇది రాబోయే సంవత్సరాల్లో డిజిటల్ చెల్లింపులలో గ్లోబల్ లీడర్‌గా అవతరించడానికి సిద్ధంగా ఉంది.
పైన్ ల్యాబ్స్ సిఇఒ బి అమ్రిష్ రావు మాట్లాడుతూ భారతదేశం క్రమంగా ఆన్‌లైన్ చెల్లింపులలో విప్లవాత్మక మార్పులు తీసుకువస్తుందని అన్నారు. భవిష్యత్తులో ఆన్‌లైన్ , ఆఫ్‌లైన్‌లో పాయింట్ ఆఫ్ సేల్ (PoS) వద్ద సాంకేతికత-ఆధారిత డిజిటలైజేషన్ పెరుగుదలను చూస్తుంది. పైన్ ల్యాబ్స్ ఇందులో పాత్ర పోషిస్తున్నందుకు మేము సంతోషిస్తున్నామన్నారు. ఎక్కువ మంది కస్టమర్లు డిజిటల్ చెల్లింపులను అవలంబిస్తున్నందున, డిజిటల్ లావాదేవీలను ప్రారంభించడానికి సాంకేతికతను ఉపయోగించుకోవడం ద్వారా వ్యాపారాలు కూడా స్పందించాయని ఆయన తెలిపారు.
భారతదేశంలో కొత్తగా ప్రారంభం అయ్యే వ్యాపారాలలో 75 శాతం డిజిటల్‌గా ప్రారంభం అవుతున్నాయని 2026 ఆర్థిక సంవత్సరం నాటికి ఈ సంఖ్య 85 శాతానికి పెరుగుతుందని నివేదిక అంచనా వేసింది. కాగా చెల్లింపుల్లో యూనిఫైడ్ పేమెంట్స్ ఇంటర్‌ఫేస్ (UPI) చెల్లింపులు మార్కెట్‌లో అత్యధిక వాటాను ఆక్రమించాయి. FY23 నాటికి మొత్తం డిజిటల్ చెల్లింపు పరిమాణంలో 84 శాతం. వివిధ బిల్లు చెల్లింపులను సులభతరం చేసే భారత్ బిల్ చెల్లింపు వ్యవస్థ, FY2023, FY2026 మధ్య దాదాపు 30 శాతం వార్షిక వృద్ధి రేటు (CAGR)ని కలిగి ఉంటుందని , 110 కోట్ల లావాదేవీల నుండి 240 కోట్లకు పెరుగుతుందని అంచనా వేసింది. .
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి