ప్రియుడితో రాసలీలలు: పెళ్లి చేసుకొంటానని వెళ్లి శవమై

పెళ్లై పిల్లలున్నారు, రైల్లో ఏర్పడిన పరిచయం వివాహేతర సంబంధానికి దారి తీసింది. తమ జీవిత భాగస్వామ్యులను వదిలేసి ఇద్దరూ కలిసి జీవించాలని ప్లాన్ చేసుకొన్నారు.

srinivasulu murdered by lovers family members in prakasam district

narsimha lode

Gadwal, First Published Feb 25, 2019, 1:11 PM IST

గద్వాల:పెళ్లై పిల్లలున్నారు, రైల్లో ఏర్పడిన పరిచయం వివాహేతర సంబంధానికి దారి తీసింది. తమ జీవిత భాగస్వామ్యులను వదిలేసి ఇద్దరూ కలిసి జీవించాలని ప్లాన్ చేసుకొన్నారు.ఈ విషయాన్ని వివాహిత కుటుంబసభ్యులకు చెప్పేందుకు వెళ్లిన వ్యక్తి హత్యకు గురయ్యాడు. ఈ ఘటన ప్రకాశం జిల్లాలో చోటు చేసుకొంది.

ప్రకాశం జిల్లా పెద్దారవీడు మండలంలోని ఓ గ్రామానికి చెందిన యువతికి అదే జిల్లాలోకి అర్ధవీడు మండలానికి చెందిన యువకుడికి ఆరేళ్ల క్రితం వివాహమైంది. ఈ దంపతులకు ఓ అమ్మాయి, అబ్బాయి సంతానం. ఆమె భర్తతో పాటు హైద్రాబాద్‌లో ఉండేది. భర్తతో కలిసి ఆమె హైద్రాబాద్‌లో ఉండేది.

అయితే ఆ వివాహిత తమ పుట్టింటికి రైల్లో అప్పుడప్పుడూ ఒంటరిగా వెళ్లేది. ఆమె తల్లిదండ్రులు ప్రకాశం జిల్లా మార్కాపురంలో నివాసం ఉంటున్నారు. రైల్లో ఆమె పుట్టింటికి వెళ్లే సమయంలో గద్వాలకు చెందిన తెలుగు శ్రీనివాసులుతో ఆమెకు పరిచయమైంది. ఇద్దరూ కూడ తమ ఫోన్‌ నెంబర్లు తీసుకొన్నారు. వీలైనప్పుడు ఇద్దరూ కూడ కలుసుకొన్నారు. ఈ పరిచయం వీరిద్దరి మధ్య వివాహేతర సంబంధానికి దారి తీసింది.

రెండేళ్లుగా వీరిద్దరూ తమ సంబంధాన్ని కొనసాగిస్తున్నారు. ఈ నెల 19వ తేదీన వివాహిత పుట్టింటికి వచ్చింది. ఈ విషయం తెలిసిన శ్రీనివాసులు మార్కాపురం వెళ్లాడు. తాము ప్రేమించుకొంటున్నామని, వివాహితను పెళ్లి చేసుకొంటానని వివాహిత తల్లిదండ్రులను శ్రీనివాసులు కోరాడు.

ఈ విషయం విన్న వివాహిత తండ్రి, కుటుంబసభ్యులు అతడిని కొట్టి చంపేశారు. మృతదేహాన్ని గోనెసంచిలో తీసుకెళ్లి ద్విచక్ర వాహనంపై గుండంచర్ల అటవీ ప్రాంతంలో పెట్రోల్ పోసి దగ్ధం చేశారు. ఇదిలా ఉంటే ఈ విషయమై తన భర్త ఈ నెల 19వ తేదీ నుండి కన్పించడం లేదని శ్రీనివాసులు భార్య గద్వాల పోలీసులకు ఫిర్యాదు చేసింది.

ఈ ఫిర్యాదుపై గద్వాల పోలీసులు ఆరా తీస్తే అసలు విషయం వెలుగు చూసింది. ప్రకాశం జిల్లా మార్కాపురంలో శ్రీనివాస్ ఫోన్ కాల్స్ ఉన్నట్టుగా గుర్తించి మార్కాపురం పోలీసులకు సమాచారం ఇచ్చారు.ఈ విషయమై మార్కాపురం పోలీసులు వివాహిత కుటుంబసభ్యులను విచారిస్తే శ్రీనివాసులు హత్య విషయం వెలుగు చూసింది.

ప్రియుడితో రాసలీలలు: పెళ్లి చేసుకొంటానని వెళ్లి శవమై

RELATED STORIES

Recent Stories

Recent Videos