కానిస్టేబుల్ శిక్షణ.. రన్నింగ్ చేస్తూ.. కుప్పకూలిన యువకుడు
పోలీసు కానిస్టేబుల్ శిక్షణలో అపశ్రుతి చోటుచేసుకుంది. శిక్షణలో భాగంగా రన్నింగ్ చేస్తూ.. ఓ యువకుడు కుప్పకూలి అక్కడికక్కడే ప్రాణాలు కోల్పోయాడు.
పోలీసు కానిస్టేబుల్ శిక్షణలో అపశ్రుతి చోటుచేసుకుంది. శిక్షణలో భాగంగా రన్నింగ్ చేస్తూ.. ఓ యువకుడు కుప్పకూలి అక్కడికక్కడే ప్రాణాలు కోల్పోయాడు. ఈ సంఘటన హైదరాబాద్ నగరంలోని ఇబ్రహీంపట్నంలో చోటుచేసుకుంది.
పూర్తి వివరాల్లోకి వెళితే.. రంగారెడ్డి జిల్లా ఇబ్రహీంపట్నం మండలంలోని ఎలిమినేడు గ్రామానికి చెందిన ఏకాంబరం(23) అనే యువకుడు కానిస్టేబుల్ శిక్షణ పొందుతున్నాడు. ఈ శిక్షణ కోసం రాచకొండ కమిషనరేట్ కి ప్రతిరోజూ ఉదయం 6గంటలకు వచ్చేవాడు. ఈవెంట్స్ కోసం ఇబ్రహీంపట్నంలో సైంట్ కళాశాలలో శిక్ష కోసం కూడా వచ్చేవాడు.
రోజూలాగానే బుధవారం ఉదయం 6గంటలకు ఇంటి దగ్గర నుంచి శిక్షణ కేంద్రానికి వచ్చిన ఆ యువకుడు రన్నింగ్ చేస్తుండగా ఒక్క సారి కుప్పకూలిపోయాడు. అప్రమత్తమైన తోటి స్నేహితులు హుటాహుటిన ఇబ్రహీంపట్నంలోని ఓ ఆస్పత్రికి తరలించే లోపే మార్గమధ్యలో కన్నుమూసినట్లు తెలుస్తోంది. ఇదిలా ఉంటే.. ఏకాంబరంకి ఈ నెల23న ఈవెంట్ పరీక్ష ఉంది. ఇంతలోనే విషాదం చోటుచేసుకుంది. ఈ ఘటనతో ఏకాంబరం కుటుంబంలో విషాదం చోటుచేసుకుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
