మేనల్లుడే కదా అని ఆశ్రయమిస్తే: అత్తతో అక్రమ సంబంధం...మామ హత్య

వావి వరసలు మరిచి అత్తతో అక్రమ సంబంధం పెట్టుకుని, తమ బంధానికి అడ్డుగా ఉన్నాడని మేనమామను దారుణంగా హత్య చేశాడో మేనల్లుడు. సనత్ నగర్‌కు చెందిన రైల్వే ఉద్యోగి శ్రీనివాస్ హత్యకు అతని మేనల్లుడే కారణమని పోలీసులు నిర్థారించారు.

Siva Kodati

Hyderabad, First Published Feb 6, 2019, 8:36 AM IST

వివరాల్లోకి వెళితే.. వికారాబాద్ జిల్లాకు చెందిన మూడ్ శ్రీనివాస్ అనే వ్యక్తి రైల్వేలో గ్యాంగ్‌మెన్‌గా పనిచేస్తూ... బోరబండ రైల్వేస్టేషన్ సమీపంలోని రైల్వే క్వార్టర్స్‌లో నివాసం ఉంటున్నాడు. ఆయనకు భార్య సంగీత, ముగ్గురు పిల్లలున్నారు.

సంగీత బీఈడీ పూర్తి చేసి ఇటీవల జరిగిన ప్రాథమిక పరీక్షలో పాసై.. తుది దశ పరీక్షకు సిద్ధమవుతోంది. అయితే రెండేళ్ల క్రితం శ్రీనివాస్ కుమారుడి పుట్టినరోజు వేడుకలకు ఆయన మేనల్లుడు విజయ్‌నాయక్ వచ్చాడు.

అప్పటి నుంచి అతను అత్త సంగీతతో పరిచయం పెంచుకున్నాడు. అలా తరచుగా ఇంటికి వస్తుండేవాడు. శ్రీనివాస్ కూడా మేనల్లుడే కదా అని అతనికి కొంతకాలం ఆశ్రయం ఇచ్చాడు. ఈ క్రమంలో తన భార్యతో మేనల్లుడు వివాహేతర సంబంధం కొనసాగిస్తున్నట్లు శ్రీనివాస్ గుర్తించి, నిలదీశాడు.

అంతేకాకుండా విజయ్‌ను ఇంటికి రాకుండా కట్టడి చేశాడు. అయితే తమ అక్రమ సంబంధానికి అడ్డుగా ఉన్నాడనే కారణంతో శ్రీనివాస్‌ను హత్య చేయాలని సంగీత, విజయ్‌లు కుట్ర పన్నారు.ప్లాన్‌లో భాగంగా ఈ నెల 1వ తేదీన రాత్రికి ఇంటికి వచ్చిన విజయ్‌, సంగీతలు శ్రీనివాస్ తలపై బండరాయిని మోది హత్య చేశారు.

అనంతరం మృతదేహాన్ని దోమల తెరతో పాటు బెడ్ షీట్‌లో చుట్టి ఎవరికీ అనుమానం రాకుండా రైలు పట్టాలపై పడేశారు. శ్రీనివాస్ మరణంపై అతడు సోదరుడు ఫిర్యాదు చేస్తూ.. సంగీతపై అనుమానం వ్యక్తం చేశాడు. ఈ క్రమంలో డాగ్ స్వ్వాడ్ ద్వారా ఆ ప్రాంతంలో తనిఖీ చేయగా అది శ్రీనివాస్ ఇంట్లోకి వెళ్లింది. దీంతో పోలీసుల అనుమానం బలపడింది.

వెంటనే సంగీతను అదుపులోకి తీసుకుని విచారించగా అసలు నిజాలు వెలుగులోకి వచ్చాయి. అక్రమ సంబంధానికి అడ్డొస్తున్నాడని విజయ్‌తో కలిసి భర్తను హత్య చేసినట్లు సంగీత అంగీకరించింది. నిందితులిద్దరినీ పోలీసులు రిమాండ్‌కు తరలించారు.

మేనల్లుడే కదా అని ఆశ్రయమిస్తే: అత్తతో అక్రమ సంబంధం...మామ హత్య

RELATED STORIES

Recent Stories

Recent Videos