జయరామ్ హత్య: జూ.ఆర్టిస్ట్ సహా మరో 9 మంది పోలీసుల పాత్రపై ఆరా

అయితే రాకేష్ రెడ్డి ఫోన్లో సంప్రదించిన 11 మంది పోలీసులలో ఇద్దరిపై తెలంగాణ పోలీస్ శాఖ వేటు వేసిన విషయం తెలిసిందే. మరో తొమ్మిది మంది పోలీస్ ఉన్నతాధికారుల మెడపై కత్తి వేలాడుతోంది. ఇకపోతే వేటుకు గురైన ఇద్దరు పోలీస్ శాఖ ఉన్నతాధికారులను పోలీసులు గురువారం విచారించనున్నట్లు తెలుస్తోంది.

jayaram murder case: 11 police officials maintain relations with accused rakesh reddy

Nagaraju penumala

Hyderabad, First Published Feb 14, 2019, 9:21 AM IST

హైదరాబాద్: ప్రముఖ పారిశ్రామిక వేత్త చిగురుపాటి జయరామ్ హత్య కేసు కీలక మలుపులు తిరుగుతోంది. అటు తిరిగి ఇటు తిరిగి ఈ కేసు కాస్త తెలంగాణ పోలీసుల మెడకు చుట్టుకుంది. జయరామ్ హత్యను ప్రమాదంగా చిత్రీకరించాలంటూ ఖాకీలే స్కెచ్ వేసినట్లు నిందితుడు రాకేష్ రెడ్డి బట్టబయలు చేశారు.

దీంతో ఈ కేసు ఇప్పుడు పోలీస్ శాఖను ఉక్కిరిబిక్కిరి చేస్తోంది. జయరామ్ హత్య కేసును అత్యంత ప్రతిష్టాత్మకంగా తీసుకున్న తెలంగాణ పోలీసులు విచారణను వేగవంతం చేశారు. హత్యకు సంబంధించి కీలక అంశాలను రాబట్టారు. జయరామ్ హత్య కేసు నిందితుడును కస్టడీలో తీసుకున్న పోలీసులు కీలక సమాచారాన్ని సేకరించారు.

జయరామ్ ను హత్య చేసిన తర్వాత ప్రమాదంగా చిత్రీకరించాలంటూ పోలీసులు స్కెచ్ వేసినట్లు తెలుస్తోంది. జయరామ్ ను రాకేశ్ రెడ్డి హత్య చేసిన తర్వాత 11 మంది పోలీసు ఉన్నతాధికారులకు ఫోన్ చేసినట్లు పోలీసులు సమాచారాం సేకరించారు.

నలుగురు ఏసీపీలు, నలుగురు సీఐలు, ముగ్గురు ఎస్సైలు రాకేష్ రెడ్డికి సహకరించినట్లు పోలీసులు అనుమానిస్తున్నారు. హత్య జరిగిన తర్వాత ఈ పదకొండు మంది పోలీస్ ఉన్నతాధికారులకు రాకేష్ రెడ్డి కాల్ చేశారు. కాల్ లిస్ట్ ఆధారంగా పోలీసులు వివరాలు సేకరిస్తున్నారు.

అనంతరం తొమ్మిది మందిని కూడా విచారించే అవకాశం ఉన్నట్లు తెలుస్తోంది. జయరామ్ హత్య అనంతరం రాకేష్ రెడ్డి మృతదేహాన్ని కారులో పెట్టి నల్లకుంట పీఎస్ కు వెళ్లినట్లు పోలీసులు గుర్తించారు. కారులో డెడ్ బాడీ ఉండగానే రాకేష్ రెడ్డి నల్లకుంట సీఐ శ్రీనివాస్ ను కలిశారని పోలీసులు సీసీ ఫుటేజ్ లో గుర్తించారు.

అంతేకాదు సీఐ శ్రీనివాస్ కు మర్డర్ అనంతరం 33 సార్లు రాకేష్ రెడ్డి ఫోన్ చేశారని, అలాగే ఏసీపీ మల్లారెడ్డికి కూడా 20సార్లు కాల్ చేసినట్లు పోలీసుల విచారణలో వెల్లడైంది. వారు హత్యను ప్రమాదంగా చిత్రీకరించాలని అది ఎలాగో కూడా స్కెచ్ వేసి మరీ వివరించినట్లు పోలీసులు నిర్ధారణకు వచ్చారు.

వారి ఆలోచనలతోనే రాకేష్ రెడ్డి బీరుబాటిల్ కొనుగోలు చేసి ఆ బీరును జయరామ్ నోటిలో పోసి మద్యం తాగి డ్రైవింగ్ చేస్తూ ప్రమాదంలో చనిపోయాడని నమ్మించవచ్చు అని ప్లాన్ వేశారని పోలీసులు నిర్ధారించారు. కాగా, రాకేష్ రెడ్డికి సహకరించినవారిలో ఓ జూనియర్ ఆర్టిస్టుతో పాటు ఇద్దరు డ్రైవర్లు ఉన్నట్లు పోలీసులు గుర్తించారు. రాకేష్ రెడ్డికి పూర్తి స్థాయిలోసహకరించిన శ్రీనివాస్ ను ఇప్పటికే పోలీసులు అరెస్టు చేశారు.

ఇకపోతే ఈ కేసులో ఇప్పటి వరకు 30 మందిని పోలీసులు విచారించారు. వీరితోపాటు మరో 25 మందిని కూడా పోలీసులు విచారించనున్నట్లు తెలుస్తోంది. గురువారం, లేదా శుక్రవారం శిఖా చౌదరిని కూడా విచారించే అవకాశం ఉందని తెలుస్తోంది.

ఈ వార్తలు కూడా చదవండి

జయరామ్ మృతదేహంతో హైద్రాబాద్‌లో రాకేష్ రెడ్డి చక్కర్లు

జయరామ్ హత్య కేసు: జూబ్లీహిల్స్‌కు రాకేష్ రెడ్డి, శ్రీనివాస్ రెడ్డి

జయరామ్ హత్య కేసు: ఆర్థిక లావాదేవీలపై పోలీసుల ఆరా

జయరామ్ హత్య‌ కేసు: పోలీస్ కస్టడీకి రాకేష్ రెడ్డి, శ్రీనివాస్ రెడ్డి

హైదరాబాద్ కు జయరాం హత్యకేసు నిందితులు

ఎన్నిసార్లు ఫోన్ చేసినా జయరామ్ స్పందించలేదు: పద్మశ్రీ

అలా చెప్పడంతో కీడును శంకించింది: జయరామ్ భార్య

భర్త లేకుండా తొలిసారి పెళ్లి రోజు: జయరామ్ భార్య ఆవేదన

శిఖా చౌదరే చంపించింది, దేవుడు చెప్పినా నమ్మను: జయరామ్ భార్య

ఆర్డర్ రాలేదు, మొదటి నుండి దర్యాప్తు: హైద్రాబాద్ సీపీ

జయరామ్ హత్య కేసు తెలంగాణకు బదిలీ