జయరామ్ హత్య: 'ఆదిభట్ల భూ వివాదం కోసమే ఫోన్ చేశా'

ఆదిభట్లలోని ఓ భూ వివాదం కేసులో తన సహాయం కోసం రాకేష్ రెడ్డి వచ్చినట్టుగా గతంలో ఇబ్రహీంపట్నం ఏసీపీగా పనిచేసిన మల్లారెడ్డి విచారణ అధికారులకు చెప్పినట్టు సమాచారం.

former ibrahimpatnam acp mallareddy attends banjarahills acp office over jayaram murder case

narsimha lode

Hyderabad, First Published Feb 20, 2019, 2:38 PM IST

హైదరాబాద్: ఆదిభట్లలోని ఓ భూ వివాదం కేసులో తన సహాయం కోసం రాకేష్ రెడ్డి వచ్చినట్టుగా గతంలో ఇబ్రహీంపట్నం ఏసీపీగా పనిచేసిన మల్లారెడ్డి విచారణ అధికారులకు చెప్పినట్టు సమాచారం.

బుధవారం నాడు జయరామ్ హత్య కేసును విచారిస్తున్న బంజారాహిల్స్ ఏసీపీ కార్యాలయం ఎదుట మాజీ నల్లకుంట సీఐ, మాజీ ఇబ్రహీంపట్నం ఏసీపీలు హాజరయ్యారు.

జయరామ్ హత్య కేసుకు సంబంధించి ఇద్దరు పోలీసు అధికారులను బంజారాహిల్స్ ఏసీపీలో కార్యాలయంలో విచారించారు.ఆదిభట్లలోని ఓ భూ వివాదం విషయంలో రాకేష్ రెడ్డితో తనకు పరిచయం ఏర్పడిందని మల్లారెడ్డి విచారణాధికారులకు వివరించినట్టు సమాచారం.

జయరామ్ హత్య జరిగిన మరునాడు ఆదిభట్ల భూ వివాదం కేసు విషయమై తాను రాకేష్ రెడ్డికి ఫోన్ చేసినట్టుగా మల్లారెడ్డి విచారణ అధికారికి చెప్పినట్టు సమాచారం.తాను రాకేష్ రెడ్డికి ఫోన్ చేసిన సమయానికి జయరామ్ హత్య కేసులో రాకేష్ రెడ్డి పారిపోయిన విషయం తనకు తెలియదని ఆయన వివరించినట్టుగా తెలుస్తోంది.

ఇదిలా ఉంటే రాకేష్ రెడ్డిని ఏపీ పోలీసులు విచారించిన సమయంలో ఇద్దరు పోలీసు అధికారులతో టచ్‌లో ఉన్నట్టుగా గుర్తించినట్టుగా చెప్పారు. ఈ మేరకు కాల్ రికార్డ్స్‌ కూడ ఉన్నాయని ఏపీ పోలీసులు చెప్పారు.

అయితే కాల్ రికార్డ్స్ బయటపడడంతో విచారణకు హాజరైన ఆరోపణలు ఎదుర్కొంటున్న పోలీసుల నుండి విచారణాధికారులు ఏం రాబడుతారోననేది సర్వత్రా ఆసక్తిగా మారింది.

జయరామ్ హత్య: 'ఆదిభట్ల భూ వివాదం కోసమే ఫోన్ చేశా'

RELATED STORIES

Recent Stories

Recent Videos