ఐపీఎల్ లో సురేష్ రైనా మరో రికార్డ్

చెన్నై సూపర్ కింగ్స్  ఆటగాడు సురేష్ రైనా తన ఖాతాలో మరో రికార్డును వేసుకున్నారు. ఇప్పటికే ఐపీఎల్ లో 5వేల పరుగులు చేసిన సురేష్ రైనా... మిస్టర్ ఐపీఎల్ బిరుదు కొట్టేసిన సంగతి తెలిసిందే. తాాజగా... ఐపీఎల్ చరిత్రలో వంద క్యాచ్ లు పట్టిన తొలి ఫీల్డర్ గా రికార్డుకి ఎక్కాడు..  ఇటీవల ఢిల్లీతో జరిగిన మ్యాచ్ లో రైనా ఈ రికార్డు సాధించాడు.

ఐపీఎల్ చరిత్రలో అన్ని క్యాచ్ లు పట్టిన తొలి ఆటగాడుగా రైనా నిలిచాడు. రైనా తర్వాత రాయల్‌ ఛాలెంజర్స్‌ బెంగళూరు ఆటగాడు ఏబీ డివిలియర్స్‌ 84, ముంబయి ఇండియన్స్‌ కెప్టెన్‌ రోహిత్‌శర్మ 82 క్యాచ్‌లు అందుకున్నారు. వికెట్ కీపర్ల విషయానికొస్తే కోల్‌కతా నైట్‌ రైడర్స్‌ కెప్టెన్‌ దినేశ్‌ కార్తీక్‌ మాత్రమే 100 క్యాచ్‌లు అందుకున్నాడు. 

సురేశ్‌ రైనా మొదట్నుంచి చెన్నై సూపర్‌ కింగ్స్‌ జట్టుకే ఆడుతున్నాడు. చెన్నై జట్టు నిషేధం ఎదుర్కొన్న సమయంలో గుజరాత్‌ లయన్స్‌కు ప్రాతినిధ్యం వహించాడు. తర్వాత మళ్లీ చెన్నై సూపర్ కింగ్స్ లో  చోటు దక్కించుకొని ఈ ఐపీఎల్ లో చెలరేగిపోతున్నాడు.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Suresh Raina
• 1st fielder to take 100 catches
• Indian Premier League
• ipl2019