మనిషి మాదిరిగానే: టీవీ చూస్తూ పాటలు వింటున్న ఆవు దూడ
ఓ దూడ మనిషి మాదిరిగా ప్రవర్తిస్తోంది. ఈ దూడ మనుషులు ఉన్నచోటే తిరుగుతోంది. మనుషుల మాదిరిగానే మ్యూజిక్ వింటూ డ్యాన్స్ చేస్తోంది.ఆకలి వేసిన సమయంలోనే ఈ దూడ తల్లి వద్దకు వెళ్లి పాలు తాగుతోంది. తమిళనాడు రాష్ట్రంలో ఈ ఆవు దూడ ఉంది.
చెన్నై: ఓ దూడ మనిషి మాదిరిగా ప్రవర్తిస్తోంది. ఈ దూడ మనుషులు ఉన్నచోటే తిరుగుతోంది. మనుషుల మాదిరిగానే మ్యూజిక్ వింటూ డ్యాన్స్ చేస్తోంది.ఆకలి వేసిన సమయంలోనే ఈ దూడ తల్లి వద్దకు వెళ్లి పాలు తాగుతోంది. తమిళనాడు రాష్ట్రంలో ఈ ఆవు దూడ ఉంది.
తమిళనాడు రాష్ట్రంలోని వేలూరు జిల్లా అంబూరులోని వీరాకుప్పం గ్రామానికి చెందిన ఆనందన్‌కు చెందిన ఆవు ఇటీవలనే మగ దూడకు జన్మనిచ్చింది.ఈ దూడ మనుషులు ప్రవర్తించినట్టుగానే ప్రవర్తిస్తుండడం చర్చనీయాంశంగా మారింది.
రాత్రి పూట చాప, దిండు ఉన్న చోటే ఈ ఆవు దూడ నిద్ర పోతుంది. పశువుల కోసం ఏర్పాటు చేసిన నీళ్లను తాగడం లేదు. ఇంట్లోని వాళ్ల కోసం ఏర్పాటు చేసుకొన్న నిటీని మాత్రమే ఆ దూడ తాగుతోంది.
చిన్న పిల్లల కోసం ఏర్పాటు చేసిన తినుబండారాలను తింటూ పిల్లలతో కలిసి ఆవు దూడ తిరుగుతోంది. టేప్‌రికార్డర్ ద్వారా కుటుంబసభ్యులు పాటలు వినే సమయంలో ఆవు దూడ లయ బద్దంగా కాళ్లు ఊపుతోంది.
దీంతో ఆవు దూడ కోసం ఆ కుటుంబసభ్యులు స్పీకర్లను ఏర్పాటు చేశారు. ఈ దూడకు వేలన్ అని ఆ కుటుంబసభ్యులు పేరు పెట్టారు. ఆనందన్ కూతురు కార్తీక కు ఈ దూడ అత్యంత ఇష్టం. తమతో కలిసి ఆవు దూడ టీవీ కూడ చూస్తోందని కార్తీక చెప్పారు. ఈ ఆవు దూడ వయస్సు 3 మాసాలు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
