నేను , గాంధి మరియు మా మాస్టర్
గాంధీ జయంతి సందర్భంగా పి. లంకేష్ రాసిన కన్నడ కవితకు ఎస్డీ కుమార్ చేసిన తెలుగు అనువాదాన్ని ఇక్కడ ఇస్తున్నాం. నేను, గాంధీ మరియు మా మాస్టర్ అనే కవితను చదవండి.
నేను , గాంధి మరియు మా మాస్టర్
మహాత్ముడు ఇప్పుడు ఈ పద్యం చెపుతున్నప్పుడే చచ్చిపోతే
నా ఆత్మ చేయిచాచి స్తంభాలను స్పర్శిస్తుందా ?
లేక నిలచి మేఘం , మెరుపులను చూస్తుందా ?
లేక గాలివానకు, భూకంపానికి వణుకుతుందా ?
ఈ ప్రశ్నల చుట్టూ తిరిగే మనసు
ఇరవై సంవత్సరాల క్రితం........
మిడ్ల్ స్కూల్....ఉదయం...
మాస్టర్ విచ్చేశారు తరగతికి
కిటికి ఆవల అగ్గిలాంటి ఎండ
మాస్టర్ ముఖం చప్పగా ఉంది : చెప్పారు -
' మహాత్ముడు వెళ్ళిపోయాడు '
- గొప్ప న్యూస్ అయి ఉండాలి , శెలవిచ్చారు ;
ఆ తరువాత చాలారోజులు ఏడుస్తూ ఏడుస్తూ పాఠం చెబుతుంటే తమాషాగా ఉండేది...ఇప్పటికీ బాగా గుర్తు : నెత్తిమీద పేటా , గద్దముక్కు, పెద్ద కళ్ల, మడతల గొంతు, పాతకోటు....మా మాస్టారు...
రోజురోజుకూ కృశించి ఆ చలికాలంలో
చనిపోయాడు
నాకు చాలా భయమేసింది
ఆయన మాయమయ్యడని , హఠాత్తుగా ఇక తిరిగిరాని లోకాలకు వెళ్ళిపోయాడని విని...
మహాత్ముడు చనిపోయాడని ఇతనూ చచ్చిపోయాడా ?
నా భుజం తట్టి, కథలు చెప్పిన, బెత్త్ంతో స్తోత్రాలు చెప్పించిన మాస్టర్ ఇక లేరా ?
హింసతో విరిసి ఎదిగే విత్తననం
దాని బలవంతానికి చీలుకునే భూమి
నెత్తుట్లోంచి తేలి శుభోదయం చెప్పే సూర్యుడు
పిడుగులా గుద్ది, సకిలించి చినుకులేసే మేఘం
ఉప్పొంగి, చెలరేగి, పిచ్చిగా పడిలేస్తూ తిని - తినిపించే సముద్రం
నేలకురాచే వర్షం
వర్షాన్ని తోసే గాలి..........
దీనికేమి చెప్పాలి మహాత్మా ? చావుకు నీవే కారణమా ? సత్యమెంత అహింస ఎంత ? ఉష్ణవలయపు శాఖం ? అస్తవ్యస్తం ? ద్వంద్వమయపు ప్రపంచానికి సత్యం అర్థంకాదు మహాత్మ : అన్నం సత్యమవదు రా
ముగిసిపోవడానికి అంధకుడు ,
వికలాంగుడవడానికి...
పదితలలు పడిపోయి పుట్ట చిగురించే ..
ఈ స్థలంలో ...బూడిదచేసే అగ్గి, మునిగించేసే నీళ్ళు, పగిలే భూమి....
నువ్వు మరియు మాస్టర్ చనిపోతే...
మట్టి సారవంతమైనదా లేక మైదానంలో వెలుగు ?
చూస్తూ....ప్రారంభిస్తాము మళ్ళీ పోలీరాగం
కన్నడ మూలం: పి. లంకేష్
తెలుగు సేత: ఎస్ డీ కుమార్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
