Asianet News TeluguAsianet News Telugu

పర్సనల్ సెక్యూరిటీ గార్డ్‌ను పెళ్లి చేసుకొన్న థాయ్ రాజు

పట్టాభిషేకానికి కొన్ని రోజుల ముందే థాయ్‌లాండ్ రాజు వజిరలోంగుకోర్న్ బుధవారం నాడు తన వ్యక్తిగత సెక్యూరిటీ డిప్యూటీ హెడ్  సుతీంధ్రను వివాహం చేసుకొన్నారు. ఆమెను రాణి సుతీంధ్రగా ఆయన ప్రకటించారు.

Thailand King Marries Bodyguard In Surprise Wedding Ahead Of Coronation
Author
Thailand, First Published May 2, 2019, 12:43 PM IST

బ్యాంకాక్: పట్టాభిషేకానికి కొన్ని రోజుల ముందే థాయ్‌లాండ్ రాజు వజిరలోంగుకోర్న్ బుధవారం నాడు తన వ్యక్తిగత సెక్యూరిటీ డిప్యూటీ హెడ్  సుతీంధ్రను వివాహం చేసుకొన్నారు. ఆమెను రాణి సుతీంధ్రగా ఆయన ప్రకటించారు.

బుధవారం నాడు రాయల్ గెజిట్‌లో ఈ విషయాన్ని ప్రకటించారు. అంతేకాదు ఈ పెళ్లికి సంబంధించిన వీడియో పుటేజీని కూడ అందించారు. ఈ పెళ్లికి సంబంధించిన దృశ్యాలు కూడ కొన్ని మీడియా ఛానెల్స్‌ ప్రసారం చేశాయి.

వజిరలోంగుకోర్న్ వయస్సు 66.  ఆయనను  రామ x గా కూడ  పిలుస్తారు. తన తండ్రి రాజు భూమిబోల్ ఆధుల్యదేజ్ మరణించిన రాజుగా సింహాసనాన్ని అధిష్టించారు.  అయితే అతడు రాజుగా అధికారికంగా త్వరలో పట్టాభిషేకాన్ని చేసుకోనున్న తరుణంలో వివాహం చేసుకొన్నారు.

ఈ నెల 4వ తేదీన బుద్ధిస్ట్, బ్రహ్మిన్ సంప్రదాయాల ప్రకారంగా వజిరలోంగుకోర్న్‌కు కిరీట ధారణ చేయనున్నారు. ఆ తర్వా బ్యాంకాక్ పుర వీధుల్లో ఆయన ఊరేగనున్నారు.

సుతీంధ్రను వజిరలోంగుకోర్న్‌ 2014లో  థాయ్ ఎయిర్‌వేస్‌లో  ఫ్లైట్ అటెండెంట్‌గా పనిచేసింది.  ఆ తర్వాత ఆమెను తన సెక్యూరిటీ విభాగంలో  డిప్యూటీ కమాండర్‌గా ఆయన నియమించుకొన్నారు.

అయితే వీరిద్దరి మధ్య సంబంధాల గురించి విదేశీ మీడియా పలు కథనాలు ప్రచురించింది. కానీ, ఈ విషయమై రాజ భవనం ఏనాడూ కూడ స్పందించలేదు.
 థాయ్ ఆర్మీకి సుతీంధ్రను రాజు 2016లో జనరల్‌గా నియమించారు. ఆ తర్వాత 2017 లో తన పర్సనల్ సెక్యూరిటీ విభాగంలో డిప్యూటీగా నియమించారు. 

ఈ పెళ్లికి థాయ్ మిలటరీ విభాగం అధిపతి జుంటాతో పాటు రాజ కుటుంబానికి చెందిన పలువురు హాజరయ్యారు.వజిరలోంగుకోర్న్‌‌కు ఇప్పటికే మూడు పెళ్లిళ్లు అయ్యాయి. ముగ్గురితో ఆయన విడాకులు తీసుకొన్నారు. మూడు పెళ్లీళ్లు చేసుకొన్న ఆయనకు ఏడుగురు పిల్లలున్నారు.  

Follow Us:
Download App:
  • android
  • ios