పాక్‌కు షాకిచ్చిన అమెరికా: ఎఫ్-16 యుద్ధ విమానం దుర్వినియోగం
తమపైకి పాకిస్తాన్ ఎఫ్-16 విమానాన్ని ఉపయోగించిందని ఇండియా ఆరోపణలు చేసింది. ఎప్-16 యుద్ధ విమానం దుర్వినియోగానికి సంబంధించి మరింత సమాచారాన్ని ఇవ్వాలని పాకిస్తాన్‌ను అమెరికా కోరింది
వాషింగ్టన్: తమపైకి పాకిస్తాన్ ఎఫ్-16 విమానాన్ని ఉపయోగించిందని ఇండియా ఆరోపణలు చేసింది. ఎప్-16 యుద్ధ విమానం దుర్వినియోగానికి సంబంధించి మరింత సమాచారాన్ని ఇవ్వాలని పాకిస్తాన్‌ను అమెరికా కోరింది.
ఎఫ్–16 విమానాలను తీవ్రవాద వ్యతిరేక పోరాటానికే ఉపయోగించాలని, ఇతర దేశాలపై దాడికి వాడరాదని అమెరికా షరతు విధించింది. దీన్ని ఉల్లంఘించి పాకిస్తాన్ ఎఫ్-16 విమానాన్ని భారత్‌పై పాక్ ఉపయోగించిందని అమెరికాకు ఫిర్యాదు అందింది.
భారత్‌పై ఎఫ్-16 విమానాన్ని ఉపయోగించలేదని పాక్ ప్రకటించింది.భారత్‌ తమ ఎఫ్–16 విమానాన్ని కూల్చివేసిందనడాన్ని కూడా ఖండించింది. అయితే, పాక్ ఆ విమానాలను వాడినట్టు భారత త్రివిధ దళాధిపతులు గురువారం నాటి సమావేశంలో ఆధారాలు సహా నిరూపించారు. పాకిస్తాన్ ఉపయోగించిన ఏఐఎం–120 క్షిపణి శకలాలను ఈ సమావేశంలో చూపించారు.
ప్రపంచవ్యాప్తంగా వివిధ దేశాలకు పెద్ద ఎత్తున ఆయుధాలు విక్రయించే అమెరికా వాటి వినియోగానికి సంబంధించి కొనుగోలుదారులతో ఒప్పందాలు కుదుర్చుకుంటుంది. ఆ ఒప్పందాలను ఉల్లంఘించడాన్ని ఆ దేశం తీవ్రంగా పరిగణిస్తుంది.
ఒబామా సర్కార్‌ 2016లో పాకిస్తాన్‌కు ఎనిమిది ఎఫ్–16 విమానాలు విక్రయించాలని నిర్ణయించింది. అయితే, అమెరికన్‌ కాంగ్రెస్‌ సభ్యులు దీనిపై అభ్యంతరం వ్యక్తం చేశారు. పాకిస్తాన్ వీటిని భారత్‌పైకి ప్రయోగిస్తుందని వారు ఆందోళన వ్యక్తం చేశారు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
