హీరోకి చుక్కలు చూపించిన ప్రియాంక.. వీడియో వైరల్!
వింత వ్యాధితో బాధపడుతున్న రచయిత ఐషా చౌదరి జీవిత చరిత్ర ఆధారంగా తెరకెక్కుతున్న చిత్రం 'ది స్కై ఈజ్ పింక్'. ప్రియాంక చోప్రా, ఫరాన్ అక్తర్ ఈ చిత్రంలో ప్రధాన పాత్రల్లో నటిస్తున్నారు. దంగల్ ఫేమ్ జైరా వసీం ఈ చిత్రంలో ఐషా చౌదరి పాత్రలో నటిస్తోంది.
మహిళా దర్శకురాలు షోనాలి బోస్ దర్శకత్వంలో ది స్కై ఈజ్ పింక్ చిత్రం తెరకెక్కుతోంది. అక్టోబర్ 11న ఈ చిత్రం విడుదలకు సిద్ధం అవుతున్న నేపథ్యంలో చిత్ర యూనిట్ ప్రచార కార్యక్రమాలు నిర్వహిస్తోంది. ఇటీవల విడుదలైన ట్రైలర్ కు మంచి రెస్పాన్స్ వచ్చింది.
ఫరాన్, ప్రియాంక చోప్రా కెమిస్ట్రీ, ఎమోటినల్ పెర్ఫామెన్స్ ఈ చిత్రానికి ప్రధాన ఆకర్షణగా నిలవనున్నాయి. తాజాగా మేకింగ్ వీడియో రిలీజ్ చేశారు. షూటింగ్ లో జరిగిన సరదా సంఘటనల్ని ఈ వీడియోలో చూపించారు. ఫరాన్ ని ప్రియాంక ఆటపట్టిస్తున్న దృశ్యాలు ఆకట్టుకుంటున్నాయి.
ఫరాన్ ప్రియాంకని తన వీపుపై ఎక్కించుకుని సన్నివేశం కోసం ఎదురుచూస్తున్నాడు. దర్శకుడు యాక్షన్ చెప్పే వరకు పాపం పిసీని అలా మోస్తూనే ఉండాలి. ప్రియాంక మాత్రం అతడిపై ఎక్కి ఎంజాయ్ చేస్తోంది. నేను చాలా బరువు తక్కువ. నన్ను ఈజీగా మోయొచ్చు అని ఫరాన్ తో అంటోంది. ఇలా షూటింగ్ మొత్తం ఫరాన్ అక్తర్, ప్రియాంక చోప్రా ఒకరినొకరు టీజ్ చేసుకుంటూ కనిపించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
