మళ్లీ 'రంగస్థలం' లుక్ లో సమంత, ఏ సినిమా కోసం అంటే..
మొన్నీ మధ్యే ‘రంగస్దలం’ సినిమాలో పీరియడ్ లుక్ లో కనపడింది సమంత.ఆ సినిమాకు సమంత కు చాలా పేరు తెచ్చిపెట్టింది.
మొన్నీ మధ్యే ‘రంగస్దలం’ సినిమాలో పీరియడ్ లుక్ లో కనపడింది సమంత.ఆ సినిమాకు సమంత కు చాలా పేరు తెచ్చిపెట్టింది.ఆ ఉత్సాహంతో ...ఇప్పుడు ..మరోసారి ఎనభైల నాటి వాతావరణంలో జరిగే కథలో కనిపించనుంది. ఈ మేరకు ఆమె తన కాస్ట్యూమ్స్ ని రెడీ చేసుకుంటోంది. 1980–90 రోజుల్లో ఉండే చీరలు ఆమె కట్టుకోవాలనుకున్నారు. ఆ లుక్ కోసం ఏకంగా డజనుకుపైగా చీరలను సెలక్ట్ చేస్తున్నట్లు మీడియా వర్గాల సమాచారం. ఇంతకీ ఏ సినిమా కోసం అంటే ‘మిస్ గ్రానీ’రీమేక్ కోసమట.
కథాంశాల ఎంపికలో కొత్తదానానికి పెద్దపీట వేస్తున్నది సమంత. రెగ్యులర్ సినిమాలకు భిన్నంగా వినూత్న స్టోరీ లైన్స్ ని ఎంపిక చేసుకుంటోంది. పెళ్లయిన తర్వాత సినిమాల ఎంపికలో సమంత ఆచితూచి వ్యవహరిస్తోంది. తాజాగా ఈ చెన్నై సోయగం దక్షిణ కొరియన్ చిత్రం మిస్ గ్రానీ తెలుగు రీమేక్లో నటించటానికి సిద్దమవుతోంది.
నందినిరెడ్డి దర్శకత్వం వహించే ఈ చిత్రాన్ని సురేష్ ప్రొడక్షన్స్ పతాకంపై సురేష్బాబు నిర్మిస్తున్నట్లు తెలుస్తున్నది. 2014లో దక్షిణ కొరియాలో విడుదలైన మిస్గ్రానీ చిత్రం చక్కటి విజయాన్ని సొంతం చేసుకుంది. ఆ తర్వాత ప్రపంచవ్యాప్తంగా అనేక భాషల్లో పునర్నిర్మించబడి ప్రేక్షకుల ఆదరణ చూరగొంది.
70ఏళ్ల వృద్ధురాలు కొన్ని అనుకోని పరిస్థితుల్లో 20ఏళ్ల యువతిగా మారుతుంది. యవ్వనాన్ని పొందిన ఆ వృద్ధురాలు జీవితంలో మిగిలిపోయిన లక్ష్యాల్ని ఎలా సాధించింది? ఈ క్రమంలో ఎదురైన సంఘటనలేమిటి? అనే అంశాల చుట్టూ ఎంటర్టైన్మెంట్ గా మిస్ గ్రానీ కథ నడుస్తుంది.
ఈ కథ సమంతకు ఎంతగానో నచ్చిందని, ఆమె ప్రోత్సాహంతోనే తెలుగు రీమేక్కు సన్నాహాలు జరుగుతున్నాయని చెబుతున్నారు. జనవరిలో ఈ సినిమా షూటింగ్ మొదలుకానుందని సమాచారం. సురేశ్బాబు నిర్మించనున్నారు. ఈ సినిమాకు సంబంధించిన అధికారిక సమాచారం త్వరలో వెల్లడయ్యే అవకాశాలున్నాయి. ప్రస్తుతం భర్త నాగచైతన్యతో కలిసి ‘మజిలీ’అనే సినిమాలో నటిస్తున్నారు సమంత. ‘నిన్ను కోరి’ ఫేమ్ శివనిర్వాణ ఈ సినిమాకు దర్శకుడు.