RRR లాంచ్: ఇది ఫైనల్.. ఆ ఫ్రేమ్ కోసం వెయిటింగ్!

ఎన్ని భారీ బడ్జెట్ సినిమాలు రిలీజైన సౌత్ లో మాత్రం అందరి చూపు జక్కన్న RRRపైనే ఉంటుందని చెప్పవచ్చు. సినిమా ఎప్పుడొచ్చినా పర్వాలేదు గాని ముందు షూటింగ్ మొదలుపెడితే మెగా, నందమూరి అభిమానులు కలిసి సంబరాలను జరుపుకోవాలని అనుకుంటున్నారు.

Prashanth M

Hyderabad, First Published Nov 2, 2018, 7:45 PM IST

అయితే కొన్ని రోజుల క్రితం చిత్ర యూనిట్ నుంచి లాంచింగ్ కి సంబందించిన డేట్స్ వచ్చాయి. అయితే అందులో మార్పులు చేస్తున్నట్లు ఒక వీడియో ద్వారా చెప్పేశారు. RRR లాంచ్ డేట్ అంటూ.. 11వ రోజు 11వ నెల 11గంటలకు సినిమాను అధికారికంగా లాంచ్ చేయనున్నట్లు క్లారిటీ ఇచ్చారు. ప్రస్తుతం అందుకు సంబందించిన వీడియో ఇంటర్నెట్ లో వైరల్ గా మారింది.

మెగా పవర్ స్టార్ రామ్ చరణ్ - యంగ్ టైగర్ ఎన్టీఆర్ కలిసి నటిస్తోన్న సినిమా కావడంతో అభిమానుల్లోనే కాకుండా సినీ ప్రముఖులు కూడా సినిమా కోసం చాలా ఆసక్తిగా ఎదురుచూస్తున్నారు. అంతే కాకుండా లాంచ్ డేట్ రోజు ఇద్దరు హీరోలు ఒకే ఫ్రెమ్ లో కనిపిస్తే ఎలా ఉంటుందో అని అభిమానులు ఊహల్లో తేలిపోతున్నారు. దాదాపు 200కోట్ల బారి బడ్జెట్ తో నిర్మాత డివివి.దానయ్య ఈ సినిమాను నిర్మిస్తున్నారు.