కేసులపై వర్మ రివర్స్ ఎటాక్!

రామ్ గోపాల్ వర్మ రూపొందిస్తోన్న 'లక్ష్మీస్ ఎన్టీఆర్' సినిమాకి సంబంధించిన ఇటీవల వెన్నుపోటు పాటను విడుదల చేశారు. ఈ పాట ఎన్ని వివాదాలకు దారి తీసిందో ప్రత్యేకంగా చెప్పనక్కర్లేదు.

ram gopal varma filed case against karnool MLA

Udayavani Dhuli

Hyderabad, First Published Dec 27, 2018, 10:12 AM IST

చంద్రబాబుని కించపరిచే విధంగా పాట ఉందని టీడీపీ కార్యకర్తలు వర్మపై మండిపడ్డారు. కొందరు వర్మపై కేసులు కూడా పెట్టారు. ఇప్పుడు వారిపై వర్మ రివర్స్ ఎటాక్ ప్లాన్ చేశాడు. తనపై కేసులు పెట్టినవారిపై వర్మ లీగల్ గా ప్రొసీడ్ అవుతున్నాడు.

ముందుగా కర్నూలు ఎమ్మెల్యే ఎస్వీ మోహన్ రెడ్డికి లాయర్ ద్వారా లీగల్ నోటీసులు పంపించాడు. మోహన్ రెడ్డి ప్రవర్తనతో తను బాధ పడినట్లు, అందుకే లీగల్ నోటీసు పంపించానని అంటున్నాడు వర్మ. లాయర్ ప్రభాకర్ శ్రీపాద.. వర్మ తరఫున ఈ లీగల్ నోటీసులు జారీ చేశాడు.

తన క్లయింట్ వర్మ సమాజంలో పేరు, ప్రతిష్టలు ఉన్న వ్యక్తని. యాభైకి పైగా సినిమాలు తీశారని, టీజర్ లో ఎవర్నీ అవమానించక ముందే తన క్లయింట్ వర్మపై కేసు పెట్టడం బాగాలేదని పేర్కొన్నారు.

48 గంటల్లో పెట్టిన కేసుని వెనక్కి తీసుకొని బహిరంగంగా క్షమాపనలు చెప్పాలని నోటీసులో పేర్కొన్నారు. ఇదే విషయాన్ని వర్మ చెబుతూ.. తను నేరుగా ఎవరిపై విమర్శలు చేయలేదని.. నిజాలు చెప్పే ప్రయత్నం చేశానని వెల్లడించాడు.

Mr.S V Mohan Reddy Kurnool MLA should issue a public apology within 48 hrs regarding complaint involving Andhra Pradesh Chief Minister Mr.N Chandra Babu Naidu failing which my advocate Mr.Prabhakar Sripada will initiate legal proceedings #LakshmisNTR pic.twitter.com/54CQWCpe48
— Ram Gopal Varma (@RGVzoomin) December 26, 2018