మహేష్ పార్టీ.. విజయ్ దేవరకొండ స్పెషల్ గెస్ట్!
సూపర్ స్టార్ మహేష్ బాబు నటించిన 'మహర్షి' సినిమా గురువారం నాడు విడుదలై హిట్ టాక్ సొంతం చేసుకుంది.
సూపర్ స్టార్ మహేష్ బాబు నటించిన 'మహర్షి' సినిమా గురువారం నాడు విడుదలై హిట్ టాక్ సొంతం చేసుకుంది. దీంతో చిత్రబృందం సెలబ్రేషన్స్ లో మునిగిపోయారు. ఇటీవలే ఈ సినిమా ప్రీరిలీజ్ ఈవెంట్ కి అతిథిగా విచ్చేసిన విజయ్ దేవరకొండని మరోసారి 'మహర్షి' సెలబ్రేషన్స్ లో పాలుపంచుకున్నాడు.
సినిమాకి హిట్ టాక్ రావడం, చాలా చోట్ల రికార్డు కలెక్షన్లు వసూలు చేస్తున్న నేపధ్యంలో మహేష్ బాబు నిన్న రాత్రి తన ఇంట్లో పెద్ద పార్టీ ఏర్పాటు చేశారు. అర్ధరాత్రి దాటేవరకు ఈ పార్టీ కొనసాగింది. ముగ్గురు చిత్ర నిర్మాతలు దిల్ రాజు, పీవీపీ, అశ్వనీదత్ లు ఈ పార్టీకి హాజరయ్యారు. సినిమాకు పని చేసిన యూనిట్ కూడా హాజరైంది.
నిన్న బర్త్ డే సెలబ్రేట్ చేసుకున్న విజయ్ దేవరకొండను ఈ పార్టీకి స్పెషల్ గెస్ట్ గా ఆహ్వానించారు. విజయ్ తో పాటు రష్మిక కూడా పాల్గొంది. మహేష్ తదుపరి సినిమా డైరెక్టర్ అనీల్ రావిపూడి కూడా రావడం విశేషం. ఈ సెలబ్రేషన్స్ కి సంబంధించిన ఫోటోలని మహేష్ భార్య నమ్రత సోషల్ మీడియాలో పోస్ట్ చేసింది.
Celebrating #Maharshi❤❤❤ pic.twitter.com/n9stIlpGzC
— Namrata shirodkar (@urstrulynamrata) May 9, 2019
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
