బాలయ్య @ రౌడీ పోలీస్..?
నందమూరి బాలకృష్ణ తన కెరీర్ లో చాలా సార్లు పోలీస్ అవతారమెత్తారు. ఆయన పోలీస్ గా నటించిన సినిమా బాక్సాఫీస్ వద్ద మంచి సక్సెస్ ని అందుకున్నాయి.
నందమూరి బాలకృష్ణ తన కెరీర్ లో చాలా సార్లు పోలీస్ అవతారమెత్తారు. ఆయన పోలీస్ గా నటించిన సినిమా బాక్సాఫీస్ వద్ద మంచి సక్సెస్ ని అందుకున్నాయి. ఇప్పుడు మరోసారి బాలయ్య పోలీస్ ఆఫీసర్ గా కనిపించనున్నారని సమాచారం.
సి.కల్యాణ్ నిర్మాతగా దర్శకుడు కెఎస్ రవికుమార్ రూపొందించనున్న సినిమాలో బాలయ్య హీరోగా నటిస్తున్నారు. ఈ సినిమాలో ఆయన పోలీస్ ఆఫీసర్ గా కనిపిస్తారని తెలుస్తోంది. ఎస్పీ రంజిత్ కుమార్ రాణా పేరుతో ఉంటుందని అంటున్నారు.
రౌడీ పోలీస్ తరహాలో ఉండే ఆయన పాత్ర నందమూరి అభిమానులను ఆకట్టుకుంటుందని అంటున్నారు. గతంలో కెఎస్ రవికుమార్, బాలయ్య కాంబోలో 'జై సింహా' సినిమా వచ్చింది. ఇప్పుడు మరోసారి వీరిద్దరూ కలిసి సినిమా చేస్తున్నారు.
వీలైనంత త్వరగా సినిమా పూర్తి చేయాలని చూస్తున్నారు. ఎన్నికల ఫలితాలు వచ్చిన వెంటనే షూటింగ్ వేగవంతం చేయనున్నారు. కమర్షియల్ అంశాలకు లోటు లేకుండా ఈ సినిమాను రూపొందించనున్నారు. ఈ సినిమాలో జగపతిబాబు విలన్ గా కనిపిస్తారని అంటున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
