డ్రగ్స్ కి బానిసైన కొడుకు కోసం నన్ను వాడుకుంది.. తల్లిపై హీరోయిన్ వ్యాఖ్యలు!
నటి సంగీతపై ఆమె తల్లి భానుమతి ఫిర్యాదు చేసిన సంగతి తెలిసిందే. ఇంటి నుండి తనను వెళ్లిపోవాలని సంగీతం ఒత్తిడి చేస్తోందని భానుమతి మహిళా కమిషన్ కి ఫిర్యాదు చేసింది.
నటి సంగీతపై ఆమె తల్లి భానుమతి ఫిర్యాదు చేసిన సంగతి తెలిసిందే. ఇంటి నుండి తనను వెళ్లిపోవాలని సంగీతం ఒత్తిడి చేస్తోందని భానుమతి మహిళా కమిషన్ కి ఫిర్యాదు చేసింది. తను సంపాదించిన ఆస్తిని సొంతం చేసుకోవడానికి సంగీత ఇలా చేస్తుందని ఆరోపించడంతో సోషల్ మీడియాలో పబ్లిక్ లో సంగీతపై విమర్శలు మొదలయ్యాయి. దీంతో ఆమె తన తల్లిని ఉద్దేశిస్తూ సోషల్ మీడియాలో ఓ పోస్ట్ పెట్టింది.
అందులో.. ''ప్రియమైన అమ్మా.. నన్ను ఈ ప్రపంచంలోకి తీసుకొచ్చినందుకు ధన్యవాదాలు.. నన్ను స్కూల్ కి దూరం చేసి 13 ఏళ్ల వయసు నుండే పని చేయించినందుకు థాంక్యూ.. నాతో ఖాళీ చెక్కుల మీద సంతకాలు చేయించినందుకు కృతజ్ఞతలు. మందు, డ్రగ్స్ కి బానిసై జీవితంలో ఏరోజూ పనికి వెళ్ళని నీ కుమారుడి సౌకర్యాల కోసం నన్ను దోపిడీ చేసినందుకు థాంక్స్. నేను పోరాడే వరకూ నాకు పెళ్లి చేయకుండా ఉన్నందుకు థాంక్స్. నన్ను, నా భర్తని రోజూ వేధిస్తూ మా కుటుంబ ప్రశాంతతను దూరం చేసినందుకు థాంక్స్. ఓ తల్లి ఇలా ఉండకూడదని నాకు తెలియజేసినందుకు థాంక్స్. చివరిగా నువ్వు చేసిన తప్పుడు ఆరోపణలకు థాంక్స్. నీకు తెలిసో.. తెలియకో.. నోరులేని అమ్మాయి నుండి పోరాడే మహిళగా మారేలా చేశావు. ఈ విషయంలో నువ్వు నాకు నచ్చావ్.. ఏదోక రోజు నీ పొగరు పక్కన పెట్టి నన్ను చూసి కచ్చితంగా గర్వపడతావు'' అంటూ ఎమోషనల్ గా లెటర్ రాసింది.
తెలుగు, తమిళ, మలయాళ, కన్నడ చిత్రాల్లో నటించిన సంగీత పదేళ్ల క్రితం క్రిష్ అనే వ్యక్తిని వివాహం చేసుకుంది. 2012లో వీరికొక ఆడబిడ్డ జన్మించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
