Asianet News TeluguAsianet News Telugu

అర్జున్ రెడ్డి రీమేక్ 'ఆదిత్య వర్మ' ట్రైలర్.. విక్రమ్ కొడుకు అదరగొట్టేశాడు!

విలక్షణ నటుడు విక్రమ్ తనయుడు ధృవ్ నటిస్తున్న తొలి చిత్రం ఆదిత్య వర్మ. తెలుగులో సంచలన విజయం సాధించిన అర్జున్ రెడ్డి చిత్రానికి ఆదిత్య వర్మ రీమేక్ గా వస్తోంది. బోల్డ్ అండ్ ఎమోషనల్ ప్రేమ కథగా తెరకెక్కిన అర్జున్ రెడ్డి చిత్రం విమర్శకుల ప్రశంసలు దక్కించుకుంది. 

Dhruv Vikram's Adithya Varma Trailer released
Author
Hyderabad, First Published Oct 22, 2019, 7:20 PM IST

అర్జున్ రెడ్డి చూశాకే తన కొడుకు ధృవ్ ని ఈ చిత్రంతోనే హీరోగా లాంచ్ చేయాలని విక్రమ్ ఫిక్స్ అయ్యాడు. అర్జున్ రెడ్డి రీమేక్ హక్కులు సొంతం చేసుకుని సీనియర్ దర్శకుడు బాల దర్శకత్వంలో ఈ చిత్రాన్ని ప్రారంభించారు. షూటింగ్ కూడా పూర్తయింది. కానీ నిర్మాతలకు, తన విభేదాలతో బాల ఈ చిత్రం నుంచి తప్పుకున్నాడు. 

ఆ తర్వాత గిరిసాయి దర్శకత్వంలో తిరిగి కొత్తగా షూటింగ్ ప్రారంభించారు. ఇటీవల షూటింగ్ పూర్తి కావడంతో చిత్ర యూనిట్ ప్రచార కార్యక్రమాలు ప్రారంభించింది. నేడు ఆదిత్య వర్మ ట్రైలర్ లాంచ్ చేశారు. ట్రైలర్ లో ధృవ్ పెర్ఫామెన్స్ అదిరిపోయింది. 

రొమాంటిక్, ఎమోటినల్ సన్నివేశాల్లో ధృవ్ నటన ఆకర్షించే విధంగా ఉంది. బనిత సందు ఈ చిత్రంలో ధృవ్ సరసన హీరోయిన్ గా నటించింది. నవంబర్ లో ఈ చిత్రాన్ని ప్రేక్షకుల ముందుకు తీసుకురానున్నారు. 

 

Follow Us:
Download App:
  • android
  • ios