చంద్రబాబు పేరులో ద్ర అంటే దరిద్రం : బాబుకు విజయసాయి కౌంటర్
జగన్ లోనే గన్ ఉందని అలాంటి వారు అధికారంలోకి వస్తే అరాచకాలు చెలరేగుతాయని బాబు చేసిన వ్యాఖ్యలకు కౌంటర్ ఇచ్చారు. చంద్రబాబు పేరులో ‘ద్ర’ ఉందని ద్ర అంటే దరిద్రమని ప్రజలంతా చెప్పుకుంటున్నారని సెటైర్ వేశారు.
అమరావతి: ఏపీ సీఎం చంద్రబాబు నాయుడుకు వైసీపీ రాజ్యసభ సభ్యుడు విజయసాయిరెడ్డి ట్విట్టర్ వేదికగా కౌంటర్ ఇచ్చారు. చంద్రబాబు ప్రతిపక్ష నేత వైఎస్ జగన్ పేరుపై చేసిన వ్యాఖ్యలకు గట్టి కౌంటర్ ఇచ్చారు.
జగన్ లోనే గన్ ఉందని అలాంటి వారు అధికారంలోకి వస్తే అరాచకాలు చెలరేగుతాయని బాబు చేసిన వ్యాఖ్యలకు కౌంటర్ ఇచ్చారు. చంద్రబాబు పేరులో ‘ద్ర’ ఉందని ద్ర అంటే దరిద్రమని ప్రజలంతా చెప్పుకుంటున్నారని సెటైర్ వేశారు.
జగన్ పేరులో గన్ ఉందన్న విషయాన్ని చంద్రబాబు భూగోళ, ఖగోళ శాస్త్రాలన్నింటిని శోధించి కనిబెట్టారని ఎద్దేవా చేశారు. చంద్రబాబు అధికారంలోకి వస్తే ఆయన వెంట తుఫాన్లు కరవు కాటకాలు కాచుకుని ఉంటాయని ధ్వజమెత్తారు. జనాలు నవ్వుకుంటారన్న స్పృహ కూడా లేకుండా చంద్రబాబు వణుకుతూ ఏదో గొణుగుతున్నారని విజయసాయిరెడ్డి ట్విట్టర్ వేదికగా ఘాటు వ్యాఖ్యలు చేశారు.
జగన్ గారి పేరులోనే గన్ ఉందట. తుప్పునాయుడు భూగోళ, ఖగోళ శాస్త్రాలన్నింటిని శోధించి కనిపెట్టాడు. తమరి పేరులోని “ద్ర” అంటే దరిద్రం అంటున్నారు ప్రజలు. కరువు కాటకాలు, తుఫాన్లు తమరి వెంటే కాచుకుని ఉంటాయి కదా. వణుకుతో ఏదేదో సణుగుతున్నారు. జనాలు నవ్వుకుంటారన్న సృహ కూడా లేదు.
— Vijayasai Reddy V (@VSReddy_MP) April 5, 2019
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
