ప్రియుడితో రాసలీలలు: డబ్బిచ్చి భర్త హత్య

ప్రియుడి మోజులో ఓ మహిళ భర్తను హత్య చేసింది. ఈ ఘటన కడప జిల్లాలోని జమ్మలమడుగులో చోటు చేసుకొంది.ఈ హత్యకు పాల్పడిన నిందితులను పోలీసులు అరెస్ట్ చేశారు.

narsimha lode

Jammalamadugu, First Published Jan 29, 2019, 6:02 PM IST

జమ్మలమడుగు: ప్రియుడి మోజులో ఓ మహిళ భర్తను హత్య చేసింది. ఈ ఘటన కడప జిల్లాలోని జమ్మలమడుగులో చోటు చేసుకొంది.ఈ హత్యకు పాల్పడిన నిందితులను పోలీసులు అరెస్ట్ చేశారు.

ఈ నెల 24వ తేదీన వేపరాల నుండి తొర్రివేములకు వెళ్లే దారిలో కుమ్మర గురుప్రసాద్‌ను గుర్తు తెలియని వ్యక్తులు హత్య చేశారు. మృతుడి తండ్రి ఫిర్యాదు మేరకు పోలీసులు ఈ కేసులో విచారణ జరిపితే అసలు విషయం వెలుగు చూసింది.

కుమ్మర గురుప్రసాద్‌కు కొన్నేళ్ల క్రితం విజయప్రమీలతో వివాహమైంది. అయితే రెండేళ్లుగా విజయప్రమీల తొర్రివేములకు చెందిన ఆటోడ్రైవర్ సురేష్‌ అలియాస్ సూరితో వివాహేతర సంబంధం కలిగి ఉంది. ఈ విషయం గురుప్రసాద్‌‌కు తెలియడంతో ఇద్దరి మధ్య గొడవలు జరిగాయి.

అయితే భర్తను కడతేర్చితే తమకు అడ్డంకి ఉండదని భావించారు. భర్తను చంపాలని ఆమె ప్రియుడిని కోరింది. అంతేకాదు ప్రియుడికి పదివేల రూపాయాలను కూడ ఇచ్చింది. అయితే గురుప్రసాద్‌ను హత్య చేసేందుకు సురేష్ ప్లాన్ చేశారు. కొమ్ము పెద్దిరాజు, చాకలి గురుస్వామి, ఓబుల ప్రతాప్‌లతో కలిసి హత్య చేశాడు.

ఈ నెల 24వ తేదీన గురుప్రసాద్ భోజనం చేసేందుకు ఇంటికి వస్తుండగా సురేష్ అతని అనుచరులు వేపరాల -తొర్రివేముల దారిలో దారికాచి హత్య చేశారు. ఈ ఘటనకు పాల్పడిన నిందితులను అరెస్ట్ చేసినట్టు పోలీసులు తెలిపారు.

ప్రియుడితో రాసలీలలు: డబ్బిచ్చి భర్త హత్య

RELATED STORIES

Recent Stories

Recent Videos