జగన్‌పై దాడి: ఆ నలుగురితో శ్రీనివాసరావు సంభాషణ

వైసీపీ చీఫ్ వైఎస్ జగన్‌పై దాడి కేసులో నిందితుడు శ్రీనివాసరావు కాల్ డేటా ఆధారంగా విచారణను ముమ్మరం చేశారు.

Srinivasa rao phoned to four members before attack on jagan

Vizag, First Published Oct 31, 2018, 1:39 PM IST

విశాఖపట్టణం:వైసీపీ చీఫ్ వైఎస్ జగన్‌పై దాడి కేసులో నిందితుడు శ్రీనివాసరావు కాల్ డేటా ఆధారంగా విచారణను ముమ్మరం చేశారు. దాడికి ముందు గుంటూరు జిల్లాలోని పిడుగురాళ్లకు చెందిన వివాహితతో శ్రీనివాసరావు మాట్లాడినట్టుగా గుర్తించారు. దీంతో పిడుగురాళ్లకు చెందిన వివాహితను పోలీసులు అదుపులోకి తీసుకొని విచారణ చేస్తున్నారు. అయితే వివాహిత కుటుంబసభ్యులు మాత్రం ఆందోళన చెందుతున్నారు. జగన్‌తో దాడికి వివాహితకు ఎలాంటి సంబంధం లేదని చెబుతున్నారు.

విశాఖ ఎయిర్‌పోర్ట్‌లో అక్టోబర్ 25వ తేదీన వైసీపీ చీఫ్ వైఎస్ జగన్‌పై శ్రీనివాసరావు అనే యువకుడు కత్తితో దాడికి పాల్పడ్డాడు. ఈ దాడి ఘటన పై సిట్ విచారణను ముమ్మరం చేసింది. నాలుగు రోజులుగా శ్రీనివాసరావును కస్టడీలోకి తీసుకొని విచారిస్తున్నారు.

శ్రీనివాసరావు కాల్‌డేటా ఆధారంగా సిట్ దర్యాప్తు చేస్తోంది. జగన్‌పై దాడికి ముందు పిడుగురాళ్లకు చెందిన నలుగురితో శ్రీనివాసరావు ఫోన్‌లో మాట్లాడినట్టుగా పోలీసులు గుర్తించారు. ఇందులో ఓ వివాహిత కూడ ఉన్నట్టు సిట్ గుర్తించి, ఆమెను విశాఖ ఎయిర్‌పోర్ట్‌ పోలీస్ స్టేషన్‌కు తీసుకొచ్చారు. గుంటూరు జిల్లా పిడుగురాళ్లలోని పాత గణేష్‌పాడుకు చెందిన వివాహితను పోలీసులు అదుపులోకి తీసుకొన్నారు.

అయితే ఈ ఘటనతో వివాహితకు ఎలాంటి సంబంధం లేదని ఆమె కుటుంబసభ్యులు చెబుతున్నారు. ఈ వివాహితతో పాటు మరో మహిళను కూడ పోలీసులు విచారణ కోసం తీసుకొచ్చారు.

ఈ నలుగురితో పాటు ప్రకాశం జిల్లా కనిగిరి కి చెందిన ఓ మహిళతో కూడ శ్రీనివాసరావు ఫోన్‌లో మాట్లాడినట్టు పోలీసులు గుర్తించారు. కానీ, ఈ ఘటనతో ఆమెకు ఎలాంటి సంబంధం లేదని నిర్ధారించుకొన్నారు పోలీసులు. ఇదిలా ఉంటే శ్రీనివాసరావు కాల్ డేటా‌ను పరిశీలించేందుకు సిట్ బృందం కౌంటర్ ఇంటలిజెన్స్ సహాయం తీసుకొంటున్నారు.

శ్రీనివాసరావు రాయించిన లేఖను ఫోరెన్సిక్ ల్యాబ్‌కు పంపాలని నిర్ణయం తీసుకొన్నారు. శ్రీనివాసరావు చెబుతున్నట్టుగా రేవతిపతీ, తనకు వరుసకు సోదరయ్యే యువతితో ఈ లేఖ రాయించినట్టుగా చెబుతున్నారు. వీరిద్దరే ఈ లేఖ రాశారా.. లేదా అనే విషయమై నిర్ధారించుకొనేందుకు ఈ లేఖలను ఫోరెన్సిక్ ల్యాబ్‌కు పంపనున్నారు.

మరోవైపు నవంబర్ రెండో తేదీతో శ్రీనివాసరావుకు పోలీస్ కస్టడీ ముగియనుంది. దీంతో కస్టడీని మరికొన్ని రోజులు పొడిగించాలని కోరుతూ పోలీసులు బుధవారం నాడు కోర్టులో పిటిషన్ దాఖలు చేశారు. అయితే పోలీసుల పిటిషన్‌పై కోర్టు ఏ రకంగా స్పందిస్తోందో చూడాలి.

జగన్‌పై దాడి: ఆ నలుగురితో శ్రీనివాసరావు సంభాషణ

RELATED STORIES

Recent Stories

Recent Videos